Sports

ٹی 20 ورلڈ کپ کے لیے اسکواڈ تیار ہے، پاکستان کرکٹ ٹیم کے کپتان سلمان آغا

لاہور : پاکستان کرکٹ ٹیم کے کپتان سلمان علی آغا نے کہا ہے کہ ٹی 20 ورلڈ کپ کے لیے اسکواڈ تیار ہو چکا ہے۔ پاکستان ٹی 20 کرکٹ ٹیم کے کپتان سلمان علی آغا نے پی سی بی پوڈ کاسٹ میں گفتگو کرتے ہوئے کہا ہے کہ ٹی 20 ورلڈ کپ کے لیے کامبی نیشن مل گیا اور اسکواڈ تیار ہے۔ سلمان علی آغا نے کہا کہ ورلڈ کپ سے قبل اس ٹیم میں اب کوئی زیادہ تبدیلی نہیں ہوگی۔ جو کامبی نیسشن ہے، اس کو ورلڈ کپ سے قبل زیادہ سے زیادہ موقع دیں گے۔ ان کا کہنا تھا کہ بطور کپتان میرا ہدف ہے پاکستان کو ورلڈ چیمپئن بناؤں۔ ہم درست سمت پر ہیں، لیکن کئی چیزیں اب بھی بہتر کرنے کی ضرورت ہے۔ سلمان آغا نے مزید کہا کہ پاکستان کرکٹ ٹیم کی کپتانی پریشر کا کام ہے۔ شروع میں بہت مسائل ہوئے، اب بیٹنگ اور کپتانی کو ساتھ لے کر چلتا ہوں۔

Source: social media