ٹی 20 ورلڈ کپ: امریکہ کی نیدرلینڈز پر 93 رن سے یکطرفہ فتح، سائی تیجا اور ہرمیت سنگھ کی شاندار کارکردگی

چنئی، 13 فروری: سائی تیجا ایم (79) اور شبھم رانجنے (ناباد 48) کی زبردست بلے بازی کے بعد ہرمیت سنگھ (چار وکٹیں) اور شیڈلی وان شالکویک (تین وکٹیں) کی بہترین گیند بازی کی بدولت امریکہ نے جمعہ کے روز ٹی 20 ورلڈ کپ کے 21 ویں مقابلے میں نیدرلینڈز کو 93 رنز کے بھاری فرق سے شکست دے دی۔ 197 رنز کے بڑے ہدف کا تعاقب کرنے اتری نیدرلینڈز کی ٹیم امریکی گیند بازوں کے سامنے بے بس نظر آئی۔ پوری ٹیم 15.5 اوورز میں محض 103 رنز کے اسکور پر ڈھیر ہو گئی۔ نیدرلینڈز کی جانب سے باس ڈی لیڈے 23 رنز بنا کر نمایاں رہے ، جبکہ کپتان اسکاٹ ایڈورڈز نے 20، میکس او ڈا¶ڈ نے 13 اور رولوف وین ڈر مروے نے 10 رنز بنائے ۔ نیدرلینڈز کے سات بلے باز تو دہائی کا ہندسہ بھی عبور نہ کر سکے ۔ امریکہ کی جانب سے ہرمیت سنگھ نے تباہ کن گیند بازی کرتے ہوئے چار وکٹیں حاصل کیں، جبکہ شیڈلی وان شالکویک نے تین کھلاڑیوں کو آ¶ٹ کیا۔ محمد محسن نے دو اور نشتوش کینجیگے نے ایک وکٹ حاصل کی۔ اس سے قبل، نیدرلینڈز نے ٹاس جیت کر پہلے گیند بازی کا فیصلہ کیا۔ پہلے بلے بازی کرتے ہوئے امریکہ نے مقررہ 20 اوورز میں چھ وکٹوں کے نقصان پر 196 رنز کا بڑا اسکور بنایا ۔ سائی تیجا ایم نے شاندار بلے بازی کا مظاہرہ کرتے ہوئے 51 گیندوں پر پانچ چوکوں اور چار چھکوں کی مدد سے 79 رنز بنائے ۔ کپتان مونک پٹیل نے 36 (22 گیندیں) اور شایان جہانگیر نے 20 رنز بنا کر ٹیم کے اسکور میں اہم تعاون کیا ۔ شبھم رانجنے نے اننگز کے آخری لمحات میں 24 گیندوں پر 48 رنز کی ناٹ آوٹ اننگز کھیلی، جس میں تین چوکے اور دو چھکے شامل تھے ۔ نیدرلینڈز کی جانب سے باس ڈی لیڈے نے تین وکٹیں حاصل کیں، جبکہ لوگن وین بیک، کائل کلین اور فریڈ کلاسن نے ایک ایک بلے باز کو آ¶ٹ کیا۔

Source: UNI NEWS