کرناٹک کی سیاست میں 80 ویں یومِ آزادی کی مناسبت سے اس وقت زبردست ہنگامہ آرائی شروع ہو گئی ہے، جب ریاست کے وزیر داخلہ پریناک کھڑگے نے راشٹریہ سویم سیوک سنگھ (RSS) کو نشانہ بناتے ہوئے تحریکِ آزادی میں اس کے کردار پر سنگین سوالات کھڑے کر دیے ہیں۔

سنیچر کے روز میڈیا سے بات کرتے ہوئے کھڑگے نے آر ایس ایس کو چیلنج دیا کہ وہ اپنے ان اراکین کی فہرست جاری کرے جنہوں نے برطانوی حکومت کے خلاف آزادی کی جدوجہد میں اپنی جانیں قربان کیں۔ انہوں نے کہا: "میرا آر ایس ایس سے صرف ایک سوال ہے: ہمیں بتائیں کہ آپ نے کون سی آزادی کی تحریک میں حصہ لیا؟ میں کانگریس کے 500 ایسے شہداء کی فہرست دے سکتا ہوں جنہوں نے آزادی کے لیے اپنی جان دی، آر ایس ایس صرف 50 نام ہی دکھا دے۔"


پریناک کھڑگے نے آر ایس ایس کے قانونی ڈھانچے پر بات کرتے ہوئے کہا کہ اس تنظیم پر براہ راست "پابندی" نہیں لگائی جا سکتی کیونکہ یہ رجسٹرڈ ہی نہیں ہے۔ انہوں نے موہن بھاگوت اور بی ایل سنتوش کا ذکر کرتے ہوئے کہا: "آر ایس ایس رجسٹرڈ نہیں ہے، اسی لیے اس پر پابندی کا سوال نہیں اٹھتا۔ کسی تنظیم پر پابندی لگانے کے لیے پہلے اس کا رجسٹرڈ ہونا ضروری ہے۔" انہوں نے تقسیمِ ہند کے بعد ہونے والے فسادات میں بھی آر ایس ایس کے کردار پر سوال اٹھائے۔


کرناٹک حکومت کے نئے "کرناٹک ریگولیشن آف یوز آف گورنمنٹ پریمسز اینڈ پبلک پراپرٹی بل 2026ء" کے دفاع میں وزیر داخلہ نے کہا کہ اس بل کا مقصد آر ایس ایس یا کسی مخصوص تنظیم کو نشانہ بنانا نہیں ہے۔

عدالت عالیہ اور سپریم کورٹ کی ہدایات کے تحت سرکاری جائیدادوں پر عوامی پروگراموں اور جلوسوں کو منظم کرنا ہے۔

مجوزہ قانون کے تحت کسی بھی رجسٹرڈ یا غیر رجسٹرڈ تنظیم کو سرکاری یا عوامی جگہوں پر پروگرام کرنے سے پہلے مجاز اتھارٹی سے اجازت لینا لازمی ہو گا۔

کھڑگے نے واضح کیا کہ کوئی بھی تنظیم اپنے نجی احاطے یا دفتر کے اندر جو چاہے کرے، اس پر حکومت کو کوئی اعتراض نہیں ہے۔ انہوں نے بی جے پی کے اعتراضات کو "پریناک فوبیا" قرار دیا۔


پریناک کھڑگے کے اس سخت بیان پر بی جے پی کے سینئر رہنما بی ایل سنتوش نے بنگلورو میں ہندو جاگرن ویدیکے کے 'اکھنڈ بھارت سنکلپ دیوس' پروگرام میں خطاب کرتے ہوئے محاذ سنبھالا۔

انہوں نے کہا کہ آر ایس ایس کی وجود کے لیے کسی سرکاری رجسٹریشن کی ضرورت نہیں ہے کیونکہ یہ تنظیم پچھلی کئی دہائیوں سے کروڑوں لوگوں کے اعتماد کی بنیاد پر کام کر رہی ہے۔ انہوں نے کہا کہ "تقسیم کے وقت بھی آر ایس ایس رجسٹرڈ نہیں تھی اور آج بھی نہیں ہے، لیکن اس نے ہمیشہ ہندوؤں اور ملک کی حفاظت کی ہے۔"

سنتوش نے مزید کہا کہ ہندوستان کی آزادی صرف چرخہ کاتنے یا نمک ستیہ گرہ سے حاصل نہیں ہوئی، بلکہ لاکھوں انقلابیوں، غازیوں اور سرحد پر لڑنے والے جوانوں کی قربانیوں کا نتیجہ ہے۔

Source: Admin