تمل ناڈو کی سیاست میں اس وقت زبردست بحران اور لفظی جنگ چھڑ گئی ہے، جب بھارتیہ جنتا پارٹی (بی جے پی) کے تمل ناڈو کے ریاستی صدر نینار ناگینتھراں نے وزیراعلیٰ سی جوزف وجے پر ایک غیر متوقع اور سخت طنز کسا۔

سنیچر کے روز پارٹی کے صوبائی دفتر "کملالیم" میں ایک تقریب سے خطاب کرتے ہوئے ناگینتھراں نے کہا کہ اگر کسی کو یہ جاننا ہے کہ "ان کے والد کہاں ہیں"، تو یہ سوال اسمبلی کے ایوان میں پوچھنے کے بجائے گھر جا کر اپنی والدہ سے ملنا چاہیے۔


ناگینتھراں کے اس متنازع بیان کا پس منظر اداکار سے سیاست دان بننے والے اور موجودہ وزیراعلیٰ جوزف وجے کا وہ پرانا بیان ہے، جو انہوں نے اسمبلی میں ایک "کٹی کتھئی" (چھوٹی کہانی) کے ذریعے ڈی ایم کے صدر ایم کے اسٹالن کو نشانہ بناتے ہوئے دیا تھا۔

اپریل 2026ء کے اسمبلی انتخابات میں ڈی ایم کے کی شکست کے بعد اسمبلی کے اندر وزیراعلیٰ وجے نے طنزاً ادھیانئدھی اسٹالن کے والد (ایم کے اسٹالن) کا ذکر کیا تھا اور کولتھور میں ان کی شکست پر جملے کسے تھے۔ اس وقت سابق وزیراعلیٰ نے جواب دیتے ہوئے کہا تھا کہ اگرچہ وہ قانون ساز اسمبلی میں موجود نہیں ہیں، لیکن عوام کے دلوں میں اب بھی ان کی جگہ برقرار ہے۔


نینار ناگینتھراں کے اس بیان کے بعد تمل ناڈو کی مختلف سیاسی جماعتوں اور رہنماؤں کی جانب سے شدید ردعمل سامنے آ رہا ہے.

ریاستی وزیر اے راجموہن نے بی جے پی صدر کے اس بیان کی شدید الفاط میں مذمت کی اور اسے سیاسی اخلاقیات کے منافی قرار دیا۔

سابق بی جے پی صدر کے اناملائی نے بھی موجودہ صدر ناگینتھراں کے اس بیان سے خود کو الگ کرتے ہوئے اس پر سخت ناپسندیدگی کا اظہار کیا۔

سیاسی ماہرین کے مطابق، تمل ناڈو کی سیاست میں زبانی حملے اور شخصی چوٹیں اب ایک نیا اور تلخ موڑ لے چکی ہیں۔

Source: Admin