Akhbar-e-Mashriq

Akhbar-e-Mashriq

Logo

Akhbar-e-Mashriq

PUBLISHED FROM Kolkata ♦ Delhi ♦ Ranchi ♦ Lucknow ♦ Bhopal ♦ Srinagar ♦ Siliguri ♦ Asansol
Akhbar-e-Mashriq Akhbar-e-Mashriq
ALERTS
National

چین کے ساتھ تجارتی خسارہ 150 ارب ڈالر تک پہنچنے کا خدشہ، کانگریس کا مودی حکومت پر حملہ

Admin
By Admin
Nov 20, 2026
Listen to Article Audio Narration
Loading narration audio... Playing • Tap to pause Tap play to listen to this story

Your Reaction

{{ voteMessage }}

{{ currentVoteCount }} Responses

چین کے ساتھ تجارتی خسارہ 150 ارب ڈالر تک پہنچنے کا خدشہ، کانگریس کا مودی حکومت پر حملہ
چین کے ساتھ تجارتی خسارہ 150 ارب ڈالر تک پہنچنے کا خدشہ، کانگریس کا مودی حکومت پر حملہ — November 20, 2026
نئی دہلی: کانگریس نے چین کے ساتھ ہندوستان کے بڑھتے تجارتی خسارے کو لے کر جمعرات کو مودی حکومت کو سخت تنقید کا نشانہ بنایا۔ پارٹی نے طنزیہ انداز میں کہا کہ حکومت کا ’میک اِن انڈیا‘ منصوبہ اب ’امپورٹ فرام چائنا‘ (چین سے درآمد) میں تبدیل ہو چکا ہے۔ کانگریس نے الزام لگایا کہ چین سے بڑھتی درآمدات ہندوستان کے گھریلو مینوفیکچرنگ شعبے کو کمزور کر رہی ہیں اور چھوٹی صنعتیں اس کا مقابلہ کرنے سے قاصر ہیں۔

کانگریس کے جنرل سکریٹری جے رام رمیش نے کہا کہ چین کے ساتھ ہندوستان کا تجارتی خسارہ مالی سال 2026-27 میں ریکارڈ 150 ارب امریکی ڈالر تک پہنچنے کا خدشہ ہے، جب کہ گزشتہ مالی سال میں یہ خسارہ 112 ارب ڈالر تھا۔ ان کے مطابق، 2014 میں جب وزیر اعظم نریندر مودی نے اقتدار سنبھالا تھا، اس وقت چین کے ساتھ ہندوستان کا تجارتی خسارہ محض 36 ارب ڈالر تھا۔

جے رام رمیش نے کہا کہ گزشتہ 12 برسوں میں یہ خسارہ چار گنا سے زیادہ بڑھ گیا ہے۔ انہوں نے وزیر اعظم مودی کے نعرے ’مودی ہے تو ممکن ہے‘ پر طنز کرتے ہوئے کہا کہ اس اضافے سے ہندوستان کا مینوفیکچرنگ شعبہ متاثر ہو رہا ہے اور ملک کے مائیکرو، اسمال اینڈ میڈیم انٹرپرائزز (ایم ایس ایم ای) یعنی چھوٹی، درمیانی اور بہت چھوٹی صنعتیں چینی مصنوعات کی بڑھتی درآمدات کا مقابلہ کرنے میں ناکام ہو رہی ہیں۔

کانگریس لیڈر نے دعویٰ کیا کہ شمسی توانائی کے آلات کی تیاری جیسے اہم اور اسٹریٹجک شعبوں میں بھی ہندوستان چین سے درآمد کیے جانے والے پرزوں پر پوری طرح انحصار کر رہا ہے۔ انہوں نے اسی تناظر میں حکومت کی ’میک اِن انڈیا‘ مہم پر سوال اٹھاتے ہوئے کہا کہ یہ منصوبہ اب ’امپورٹ فرام چائنا‘ بن گیا ہے۔

جے رام رمیش نے چین کے ساتھ سرحدی تنازع کا حوالہ دیتے ہوئے بھی حکومت کو نشانہ بنایا۔ ان کا کہنا تھا کہ اروناچل پردیش اور لداخ میں چینی دراندازی اور تجاوزات کی خبریں مسلسل سامنے آ رہی ہیں، لیکن حکومت کے پاس نہ تو تجارتی محاذ پر بڑھتے خسارے کا کوئی جواب ہے اور نہ ہی سرحدی معاملات پر کوئی واضح جواب موجود ہے۔

نئی دہلی: کانگریس نے چین کے ساتھ ہندوستان کے بڑھتے تجارتی خسارے کو لے کر جمعرات کو مودی حکومت کو سخت تنقید کا نشانہ بنایا۔ پارٹی نے طنزیہ انداز میں کہا کہ حکومت کا ’میک اِن انڈیا‘ ...

Source: Admin
Trending Videos
Instagram
X (Twitter)
LinkedIn