جیسلمیر، 29 جون (:راجستھان میں جیسلمیر کے تنوٹ-لونگے والا شاہراہ پر سرحدی علاقے سے دو پاکستانی شہریوں کی لاشیں ملی ہیں۔ پولیس ذرائع نے اتوار کو بتایا کہ ہفتہ کی صبح سادے والا سرحدی علاقے میں ہندوستان-پاکستان سرحد کے تقریباً 12 کلومیٹر اندر ہندوستانی علاقے میں ایک نوجوان اور ایک لڑکی کی لاشیں ملنے کی اطلاع ملنے پر پولیس اور بارڈر سیکورٹی فورس (بی ایس ایف) موقع پر پہنچ گئی۔ بتایا جاتاہے کہ دونوں پاکستانی شہری ہیں۔ ابتدائی تفتیش میں دونوں ہندو بتائے گئے ہیں۔ ذرائع کا کہنا ہے کہ لاشیں چار سے پانچ دن پرانی ہیں۔ غالباً شدید گرمی اور پانی کی کمی کی وجہ سے ان کی موت ہوئی ہوگی۔ دونوں کی عمریں 20 بس سے کم بتائی جاتی ہیں۔ پولیس نے بتایا کہ تلاشی کے دوران ان کے کپڑوں سے پاکستانی سم، شناختی کارڈ اور کچھ پاکستانی دستاویزات برآمد ہوئے۔ ذرائع نے بتایا کہ دونوں خاردار تار عبور کر کے 12 کلومیٹر اندر ہندوستانی سرحد میں داخل ہوئے۔ اس واقعہ کے بعد بی ایس ایف اور پولیس نے تلاشی مہم تیز کردی ہے۔ مقامی لوگوں سے پوچھ گچھ کی جا رہی ہے۔ فی الحال دونوں کی لاشیں مردہ خانے میں رکھ دی گئی ہیں۔ ان کی موت کی وجہ پوسٹ مارٹم کے بعد واضح ہوگی۔

Source: uni urdu news service