جنوبی ہند کی معروف اداکارہ شالینی پانڈے نے فلمی دنیا کے تاریک پہلوؤں پر سے پردہ اٹھاتے ہوئے ایک افسوسناک واقعہ شیئر کیا ہے۔ 2017 میں وجے دیوراکونڈا کے ساتھ فلم ’ارجن ریڈی‘ سے شہرت پانے والی اداکارہ نے بتایا کہ کس طرح ایک ساؤتھ ہندی فلم کے ڈائریکٹر نے ان کی نجی زندگی میں دخل اندازی کی۔ شالینی نے انٹرویو دیتے ہوئے بتایا، ’’میں ابھی فلم انڈسٹری میں بالکل نئی تھی اور میرے پیچھے کوئی فلمی پس منظر نہیں تھا۔ ایک دن جب میں اپنے وینٹی وین میں کپڑے تبدیل کر رہی تھی تو ڈائریکٹر بغیر دستک دیے اندر گھس آیا۔‘‘ اداکارہ نے اس واقعے سے پردہ اٹھاتے ہوئے مزید بتایا کہ ’’میں صرف 22 سال کی تھی اور میرے پاس کوئی تجربہ نہیں تھا۔ لوگ ہمیشہ کہتے تھے کہ ’میٹھا بولو، کسی کو برا مت لگنے دو، ورنہ فلمیں نہیں ملیں گی‘۔ لیکن جب ڈائریکٹر نے ایسا کیا تو میرا ردعمل فطری تھا، میں چیخ پڑی۔‘‘ اداکارہ نے بتایا کہ واقعے کے بعد لوگوں نے انہیں ڈانٹا کہ انہیں چیخنا نہیں چاہیے تھا۔ لیکن شالینی کا کہنا تھا، ’’تمیز کا ہونا ضروری ہے۔ صرف اس لیے کہ میں نئی ہوں، آپ بغیر دستک دے اندر نہیں آ سکتے۔ بعد میں مجھے احساس ہوا کہ میں نے اپنی حفاظت کےلیے یہ رویہ اپنایا تھا، لیکن لوگ مجھے غصے والی سمجھنے لگے۔‘‘ شالینی نے اعتراف کیا کہ اپنے کیریئر کے آغاز میں ہی جنسی تعصب اور بدتمیزی کا شکار ہونے کے بعد، انہوں نے اپنی حدود متعین کرنا سیکھ لیا۔ ان کا کہنا تھا کہ اب وہ ایسے حالات کو بہتر طریقے سے ہینڈل کرنا جانتی ہیں۔ شالینی پانڈے کو 2017 میں ’ارجن ریڈی‘ کے ذریعے شہرت ملی، جس کے بعد انہوں نے شبانہ اعظمی، جیوتیکا اور نیمیشا ساجیان جیسی نامور اداکاراؤں کے ساتھ ’ڈبہ کارٹل‘ جیسی معیاری فلموں میں کام کیا۔
Source: social media
دھرمندر کی آنکھ کی سرجری کر دی گئی، اب حالت کیسی ہے؟
’دعا ہے سب کی عید خوشیوں اور بریانی سے بھرپور ہو‘ بالی وڈ کے کنگ خان کی مداحوں کو عید کی مبارکباد
پاکستانی مفتی قوی کا عید پر راکھی ساونت کو محبت بھرا پیغام
عید پر جاوید اختر کے خاندان کی تصویر وائرل
بالی وڈ اداکار عامر خان نے عید پر اپنے فینز کو کیا خاص تحفہ دیا؟
خاتون کے ساتھ زیادتی، اسقاط حمل پر مجبور کرنے پر فلم ڈائریکٹر گرفتار
فلم ’سکندر‘ نہ چل سکی، سلمان خان کے 37 سالہ کیرئیر کا بدترین ریکارڈ اپنے نام کرلیا
شالینی پانڈے کا ساؤتھ فلم ڈائریکٹر پر ہراسانی کا الزام
سیف نے بیٹوں کی پیدائش پر ایک رات بھی اسپتال میں نہیں گزاری: کرینہ کا شکوہ
ناقدین کے منفی تبصروں کے باوجود سکندر نے 5 دن میں 169 کروڑ کمالیے