Sports

صفر پر آؤٹ ہونے کا ریکارڈ، صائم ایوب شاہد آفریدی کے برابر آگئے

پاکستان کے اوپنر صائم ایوب نے یو اے ای کے خلاف میچ میں صفر پر آؤٹ ہوکر شاہد آفریدی کا ناپسندیدہ ریکارڈ برابر کردیا۔ دبئی میں کھیلے گئے میچ میں صائم ایوب مسلسل تیسری مرتبہ صٖفر پر آؤٹ ہوئے انہیں پانچویں گیند پر جنید صدیق نے کیچ آؤٹ کروایا۔ صائم ایوب ٹی 20 انٹرنیشنل یہ آٹھویں مرتبہ بغیر کوئی رن بنائے آؤٹ ہوئے ہیں اور شاہد آفریدی کا یہ ریکارڈ برابر کردیا ہے۔ فہرست میں عمر اکمل پہلے نمبر پر ہیں، وہ 84 میچوں میں 10 مرتبہ صفر پر آؤٹ ہوئے ہیں۔ شاہد آفریدی 98 میچوں میں 8 مرتبہ بغیر کوئی رن بنائے آؤٹ ہوئے، صائم ایوب صفر 44 اننگز میں 8 مرتبہ صفر پر آؤٹ ہوچکے ہیں۔ فہرست میں کامرن اکمل تیسرے نمبر پر ہیں وہ 58 میچوں میں 7 مرتبہ کھاتا کھولے بغیر آؤٹ ہوئے، محمد حفیظ اور بابر اعظم بھی 7، 7 مرتبہ ڈک پر آؤٹ ہوئے ہیں۔

Source: social media