روہت شرما نے شاہد آفریدی کا آل ٹائم ریکارڈ توڑ دیا

رانچی: بھارت کےسابق کپتان و اوپنر بلے باز روہت شرما نے پاکستان کے سابق کپتان شاہد آفریدی کا ایک دہائی پرانا ریکارڈ توڑ دیا۔ بھارت کے تجربہ کار ٹاپ آرڈر بلے باز روہت شرما نے ایک اور اعزاز اپنے نام کر لیا، وہ ون ڈے انٹرنیشنل کرکٹ کی تاریخ کے سب سے زیادہ چھکے لگانے والے کھلاڑی بن گئے۔ 38 سالہ روہت نے یہ سنگ میل جنوبی افریقہ کے خلاف تین میچوں کی ہوم سیریز کے پہلے ون ڈے میں حاصل کیا، رانچی میں کھیلے جانے والے سیریز کے پہلے ون ڈے میچ میں 57 رنز کی اننگز کھیلی۔ انہوں نے اپنی اننگز میں 5 چوکوں کے ساتھ ساتھ 3 چھکے بھی لگائے اور اس کے ساتھ ہی ون ڈے کرکٹ میں سب سے زیادہ چھکے لگانے کا ریکارڈ اپنے نام کرلیا۔ 2015 میں ون ڈے کرکٹ سے ریٹائر ہونے والے پاکستانی بولنگ آل راؤنڈر شاہد آفریدی نے 398 میچز میں 351 چھکے لگائے تھے، روہت شرما کے ون ڈے کرکٹ میں چھکوں کی تعداد 352 ہوگئی ہے۔ ویسٹ انڈیز کے کرس گیل ون ڈے کرکٹ میں 331 چھکوں کے ساتھ سب سے زیادہ چھکے لگانے والوں میں تیسرے نمبر ہیں، روہت شرما کے بعد بھارت کے ہی ویرات کوہلی 157 چھکوں کے ساتھ دوسرے اور آسٹریلیا کے گلین میکسویل 155 چھکوں کے ساتھ تیسرے نمبر پر ہیں۔

Source: social media