رونالڈو کی معصوم بچی سے شفقت، ویڈیو سوشل میڈیا پر وائرل

عالمی شہرت یافتہ پرتگالی فٹبالر کرسٹیانو رونالڈو نہ صرف اپنے کھیل بلکہ جذبہ انسانیت اور شفقت بھرے انداز کے لیے بھی جانے جاتے ہیں۔ رپورٹس کے مطابق سعودی کلب النصر کی نمائندگی کرنے والے اسٹار فٹبالر رونالڈو کی ایک ویڈیو سوشل میڈیا پر گردش کررہی ہے جسے خود النصر کے آفیشل ایکس اکاؤنٹ نے بھی ری پوسٹ کیا گیا ہے۔ ویڈیو میں دیکھا جاسکتا ہے کہ رونالڈو ٹیم لائن اپ کے دوران اپنے آگے کھڑی بچی گلے میں محبت بھرے انداز میں اپنا مفلر ڈالتے ہوئے نظر آرہے ہیں۔ اسٹار فٹبالر کے اس اقدام پر بچی کے چہرے پر حیرت اور خوشی کے ملے جلے تاثرات کو واضح طور پر دیکھا جاسکتا ہے۔ اس سے قبل بھی اسٹار فٹبالر کی ایک ویڈیو سوشل میڈیا پر وائرل ہوئی تھی، اسٹار فٹبالر نے ایک ایسا شاندار اوورہیڈ بائی سائیکل کک گول کیا تھا جسے دیکھنے والے شائقین حیران رہ گئے تھے۔ 40 سالہ فٹبالر نے یہ بہترین گول 96 ویں منٹ میں کیا جس وقت کہ عمومی طور پر کھلاڑی تھک چکے ہوتے ہیں۔ اس سے ان کی فٹنس کا اندازہ بخوبی لگایا جاسکتا ہے۔ یہ شاندار گول ان کے کیریئر کا 954 واں گول تھا۔ اس گول کو موجودہ سیزن کے بہترین گولز میں شامل کیا جا رہا ہے۔

Source: social media