ٹرمپ کا وزیراعظم مودی کو فون، سالگرہ کی مبارکباد دی

امریکی صدر ٹرمپ نے وزیراعظم نریندر مودی کو فون پر سالگرہ کی مبارکباد دی۔ یہ پہلا موقع ہے کہ دونوں رہنماؤں نے مہینوں کے بعد فون پر بات کی ہے، جسے دونوں ممالک کے درمیان بڑھتی ہوئی کشیدگی کو کم کرنے اور تعلقات کو دوبارہ مضبوط بنانے کے لیے امریکہ کے ایک نئے اقدام کے طور پر دیکھا جا رہا ہے۔ وزیر اعظم مودی نے ٹرمپ کے اس فون کال پر اظہار تشکر کیا اور ٹوئٹر پر شکریہ کا پیغام بھی جاری کیا۔ انہوں نے لکھا، "میرے دوست صدر ٹرمپ کی فون کال اور ان کی جانب سے 75ویں سالگرہ پر نیک خواہشات کے لیے آپ کا شکریہ۔ آپ کی طرح، میں بھی ہند-امریکہ جامع اور عالمی شراکت داری کو نئی بلندیوں تک لے جانے کے لیے پوری طرح پرعزم ہوں۔ ہم یوکرین کے بحران کے پرامن حل کے لیے آپ کے اقدام کی حمایت کرتے ہیں۔" امریکی تجارتی وفد کی نئی دلی میں بھارت کے تجارتی وفد سے ملاقات ہوئی، وفد سے ملاقات میں تجارتی معاہدے کی کوشش کی گئی۔ یاد رہے کہ امریکی تجارتی ٹیم نے گزشتہ ماہ بھارت کا دورہ منسوخ کر دیا تھا، امریکی صدر ٹرمپ نے بھارت پر روس سے تیل خریدنے پر 50 فیصد ٹیرف لگایا۔

Source: Social media