International

ایران کو مالی سہولت دینے کی خبریں بے بنیاد ہیں، مشیر اماراتی صدر

19/08/26

اماراتی صدر کے مشیر ڈاکٹر انور قرقاش نے کہا ہے کہ ایران کو نہ مالی امداد دی، نہ کسی گروپ اور ملک کے ویزے منسوخ کیے۔

ابوظبی سے جاری بیان میں ڈاکٹر انور قرقاش نے کہا کہ ایران کو مالی سہولت دینے کی خبریں بے بنیاد ہیں، متحدہ عرب امارات کے خلاف جھوٹے دعوے کیے جا رہے ہیں۔

اماراتی صدر کے مشیر انور قرقاش نے سوشل میڈیا پلیٹ فارم ایکس پر اپنے بیان میں مزید کہا کہ بعض افراد کے اماراتی ویزے منسوخ کرنے کی خبریں بھی غلط ہیں، افواہوں کے بجائے زمینی حقائق اور اقدامات اہم ہیں۔

ڈاکٹر انور قرقاش نے کہا کہ بعض سوشل میڈیا پلیٹ فارمز پر غلط معلومات پھیلائی جا رہی ہیں۔ عرب امارات خطے کی صورتحال سے نمٹنے اور مستقبل کی تیاری پر توجہ دے رہا ہے۔

اماراتی صدر کے مشیر نے کہا کہ ورکرز کے اقامے منسوخ کرنے کی اطلاعات بے بنیاد ہیں، ایران کو مالی سہولتیں دینے سے متعلق اطلاعات بھی غلط ہیں۔

Source: Admin