Sports

رانچی ونڈے میں ہندستان کی جنوبی افریقہ پر شاندار جیت، کوہلی کی سنچری، کلدیپ کی نمایاں کارکردگی

رانچی ونڈے میں ہندستان کی جنوبی افریقہ پر شاندار جیت، کوہلی کی سنچری، کلدیپ کی نمایاں کارکردگی

رانچی، 30 نومبر (:- کاربن بوش (67) کی آخر تک کی گئی جدوجہد رائیگاں گئی۔ ہندستان نے وراٹ کوہلی (135) کی شاندار سنچری، روہت شرما (57) اور کے ایل راہل (60) کی نصف سنچریوں کے ساتھ، کلدیپ یادو (چار وکٹ) اور ہرشیت رانا (تین وکٹ) کی بہترین گیندبازی کی بدولت اتوار کو پہلے ون ڈے میں جنوبی افریقہ کو 17 رنز سے شکست دی۔ اس جیت کے ساتھ ہندستان نے تین میچوں کی سیریز میں 1-0 کی برتری حاصل کرلی۔ جنوبی افریقہ کے بلے بازوں، خاص طور پر نچلے آرڈر نے جس طرح کی جدوجہد دکھائی، وہ قابلِ ستائش تھی۔ ان کے نمبر چار سے آٹھ تک کے پانچ بلے بازوں نے 35 سے زائد اسکور بنایا اور 11 رنز پر تین وکٹ اور 77 رنز پر چار وکٹ کے ابتدائی بحران سے ٹیم کو نکالنے کی بھرپور کوشش کی۔ صرف 39 گیندوں پر 80 رنز بناکر مارکو یانسن نے افریقی ٹیم کو میچ میں واپس لایا۔ اس کے بعد کاربن بوش نے لڑتے ہوئے ٹیم کو فتح کے قریب پہنچا دیا، لیکن جیت دلانے میں کامیاب نہ ہوسکے ۔ 350 رنز کے ہدف کا تعاقب کرتے ہوئے جنوبی افریقہ کی شروعات انتہائی خراب رہی اور اس نے محض 11 رنز پر اپنے تین کھلاڑی گنوا دیے ۔ دوسرے ہی اوور میں ہرشیت رانا نے رائن ریکلٹن اور کوئنٹن ڈی کاک کو بغیر کھاتا کھولے پویلین کی راہ دکھا دی۔ اس کے بعد پانچویں اوور میں ارشدیپ سنگھ نے کپتان ایڈن مارکرم (7) کو آ¶ٹ کر کے ہندوستان کو تیسری کامیابی دلائی۔ اس کے بعد میتھیو بریٹزکے اور ٹونی ڈی جارزی نے اننگز کو سنبھالا اور چوتھے وکٹ کے لیے 66 رنز کی شراکت قائم کی۔ 15ویں اوور میں کلدیپ یادیو نے ٹونی ڈی جارزی (39) کو ایل بی ڈبلیو کر کے ہندوستان کو چوتھی کامیابی دلائی۔ ڈیوالڈ بریوس (37) کو ہرشیت رانا نے آ¶ٹ کیا۔ پھر مارکو یانسن بیٹنگ کے لیے آئے اور میتھیو بریٹزکے کے ساتھ مل کر ایک بار پھر جنوبی افریقہ کی اننگز کو سہارا دیا۔ دونوں کے درمیان 97 رنز کی اہم شراکت نے ٹیم کو میچ میں برقرار رکھا۔ ایسے نازک موقع پر 34واں اوور کراتے ہوئے کلدیپ یادیو نے پہلے مارکو یانسن کو آ¶ٹ کیا۔ یانسن نے 39 گیندوں پر آٹھ چوکوں اور تین چھکوں کی مدد سے 70 رنز بنائے ۔ کلدیپ نے اسی اوور میں میتھیو بریٹزکے کو بھی پویلین بھیج کر میچ ہندوستان کے حق میں موڑ دیا۔ بریٹزکے نے 80 گیندوں پر آٹھ چوکوں اور ایک چھکے کی مدد سے 72 رنز کی شاندار اننگز کھیلی۔ پرینیلان سبریئین (17) آٹھویں وکٹ کے طور پر آ¶ٹ ہوئے ، انہیں بھی کلدیپ یادو نے شکار کیا۔ ارشدیپ سنگھ نے 47ویں اوور میں ناندری برگر (17) کو آ¶ٹ کر کے 312 کے اسکور پر ہندوستان کو نواں شکار دلایا۔ آخری اوور کی دوسری گیند پر پرسدھکرشنا نے کوربن بوش کو روہیت شرما کے ہاتھوں کیچ آ¶ٹ کرا کے 332 کے مجموعی اسکور پر جنوبی افریقہ کی اننگز کا خاتمہ کر دیا۔ نچلے آرڈر کے بلے باز کوربن بوش نے 51 گیندوں پر پانچ چوکوں اور چار چھکوں کی مدد سے جم کر مقابلہ کیا اور آخر تک اپنی ٹیم کو جیت دلانے کی کوشش کرتے رہے ۔ ہندستان کی جانب سے کلدیپ یادو نے چار وکٹیں حاصل کیں۔ ہرشیت رانا نے تین وکٹیں لیں۔ ارشدیپ سنگھ نے دو بلے بازوں کو آ¶ٹ کیا۔ پرسِدھ کرشنا نے ایک وکٹ حاصل کی۔

Source: social media

Post
Send
Kolkata Sports Entertainment

Please vote this article

0 Responses
Best Rating Best
Good Rating Good
Okay Rating Okay
Bad Rating Bad

Related Articles

Post your comment

0 Comments

No comments