پریمیئر لیگ: کھلاڑی نے اپنی ہی ٹیم کے کھلاڑی کو تھپڑ جڑ دیا، ریڈ کارڈ مل گیا

پریمیئر لیگ کے میچ کے دوران کھلاڑی کو اپنی ہی ٹیم کے ساتھی کھلاڑی کے ساتھ جھگڑنے پر ریڈ کارڈ دکھا کر میدان سے باہر بھیج دیا گیا۔ واقعہ پریمیئر لیگ میں ایورٹن اور مانچسٹر یونائیٹڈ کے خلاف اولڈ ٹریفورڈ میں کھیلے گئے میچ میں پیش آیا جب ایورٹن کے مڈفیلڈر اڈریسا گوئی اپنی ہی ٹیم کے کھلاڑی مائیکل کین کے ساتھ لڑ پڑے جس پر انہیں ریڈ کارڈ دے کر باہر کر دیا گیا۔ دونو ں کھلاڑیوں کے درمیان لڑائی کا یہ واقعہ میچ کے 13 ویں منٹ میں پیش آیا جب مانچسٹر یونائیٹڈکی ٹیم نے ایورٹن کے گول پر حملہ کیا اور برونو فرنینڈس کی ٹرائی گول کے اُوپر سے باہر نکل گئی۔ اس صورتِ حال کے فوراً بعد مڈ فیلڈر گوئے اور دفاعی کھلاڑی کین کے درمیان ہاتھا پائی شروع ہو گئی۔ دونوں نے ایک دوسرے کو دھکے دیے جبکہ گوئے نے ساتھی کھلاڑی کے چہرے پر زوردار ہاتھ بھی جڑ دیا۔ گول کیپر جورڈن پک فورڈ نے بیچ بچاؤ کروایا اور گوئے کو پکڑ کر دور لے گئے جبکہ ریفری ٹونی ہیرنگٹن نے فوراً ہی گوئے کو ریڈ کارڈ دکھا کر میدان سے باہر بھیج دیا۔ واضح رہے کہ اس میچ میں ایورٹن نے مانچسٹر یونائیٹڈ کو 1-0 سے شکست دی ہے۔

Source: social media