International

ٹرمپ کا کینیڈا پر آج سے نافذ العمل 50 فیصد ٹیرف 3 دن کیلئے مؤخر کرنے کا اعلان

19/08/26

امریکی صدر ڈونلڈ ٹرمپ نے کینیڈا پر آج سے نافذ العمل ہونے والے 50 فیصد ٹیرف کو 3 دن کے لیے مؤخر کرنے کا اعلان کر دیا۔

صدر ٹرمپ کا کہنا ہے کہ کینیڈا اور امریکا کے درمیان معاہدہ طے پا گیا ہے تاہم دستاویزات کو حتمی شکل دینا باقی ہے۔
امریکی صدر نے امید کا اظہار کرتے ہوئے کہا کہKeystone XL پائپ لائن جسے بہت عرصہ پہلے سلیپی جوبائیڈن نے ختم کر دیا تھا، شاید دوبارہ زندہ ہو جائے۔

غیر ملکی میڈیا کے مطابق امریکا کینیڈا کی متعدد مصنوعات پر عائد 50 فیصد ٹیرف 21 اگست تک ملتوی کرنے پر رضا مند ہو گیا ہے۔

دوسری جانب کینیڈین وزیرِ اعظم مارک کارنی کے دفتر نے بھی اس حوالے سے بیان جاری کر دیا ہے۔

کینیڈین وزیرِ اعظم کے دفتر سے جاری بیان کے مطابق ٹیرف کے معاملے پر امریکا کے ساتھ نمایاں پیش رفت ہوئی ہے، تاہم ابھی اہم کام باقی ہے۔

بیان میں کہا گیا ہے کہ گزشتہ کئی ہفتوں سے تجارتی معاملات حل کرنے کے لیے کینیڈا کے امریکا کے ساتھ مذاکرات جاری ہیں۔

Source: Admin