سابق منسٹر اندرنیل کی گرفتاری کا امکان
سابق وزیر اندرنیل سین پر چاروں طرف سے دباو¿ بڑھ گیا ہے۔ ای ڈی کے سمن پر وہ سی جی او کمپلیکس میں پیش ہوئے ہیں، جہاں مرکزی تفتیشی ایجنسی ان سے پوچھ گچھ کر رہی ہے۔ دوسری جانب کولکاتا پولیس کی خفیہ شاخ اور بِدھان نگر کمشنریٹ کے افسران باہر انتظار کر رہے ہیں۔ تو کیا اندرنیل کو آج ہی گرفتار یا حراست میں لیا جا سکتا ہے؟ اس بارے میں ابھی تک کوئی واضح اطلاع نہیں ملی ہے۔ تاہم، سابق وزیر کو فی الحال کسی قسم کا قانونی تحفظ حاصل نہیں ہے۔
درگا پوجا کے پاس فروخت میں بدعنوانی کے الزامات کے سلسلے میں سابق وزیر اندرنیل کے خلاف کئی شکایات درج ہیں۔ بوبازار تھانے میں شکایت کی گئی ہے کہ یونیسکو کا نام استعمال کرتے ہوئے ’ماس آرٹ‘ نامی ایک ادارے کے ذریعے درگا پوجا کے پری ویو شو اور وی آئی پی پاس فروخت کیے گئے اور کروڑوں روپے کی خرد برد کی گئی۔ اس معاملے کی تفتیش لال بازار کی خفیہ شاخ کر رہی ہے۔
دوسری جانب، پوجا کے پاس کی فروخت کے سلسلے میں کروڑوں روپے کی مالی بے ضابطگیوں کے الزامات پر ای ڈی نے انسدادِ منی لانڈرنگ قانون (PMLA) کے تحت مقدمے کی تفتیش شروع کی ہے۔ اس معاملے میں اندرنیل سے کئی بار ای ڈی پوچھ گچھ کر چکی ہے۔ آج، بدھ کو انہیں دوبارہ سی جی او کمپلیکس طلب کیا گیا تھا۔ سابق وزیر وہاں پیش بھی ہوئے ہیں۔