گڑیا میں نوجوان خاتون کی خودکشی کے ڈھائی ماہ بعد عاشق گرفتار
تقریباً ڈھائی ماہ قبل گڑیا کی رہائشی سنیہا داس نامی ایک نوجوان خاتون نے خودکشی کر لی تھی۔ ان کی خودکشی کی وجہ کو لے کر کئی سوالات اٹھے تھے۔ متوفیہ کے اہل خانہ نے الزام لگایا تھا کہ ان کے عاشق نے انہیں خودکشی کے لیے اکسایا تھا۔ واقعے کے ڈھائی ماہ بعد نریندرپور تھانے کی پولیس نے اس عاشق کو گرفتار کر لیا ہے۔
پولیس ذرائع کے مطابق، سنیہا کا کوشک جانا نامی ایک نوجوان کے ساتھ محبت کا رشتہ قائم ہوا تھا۔ دونوں کے گھر گڑیا علاقے میں ہیں۔ الزام ہے کہ سنیہا کے ساتھ رشتے میں رہتے ہوئے ہی کوشک کسی دوسری خاتون کے ساتھ بھی تعلقات میں ملوث ہو گیا تھا۔ اس معاملے کو لے کر دونوں کے درمیان تنازعات شروع ہو گئے۔ بتایا جاتا ہے کہ ان تنازعات کے باعث سنیہا ذہنی طور پر پریشان ہو گئی تھیں۔ الزام ہے کہ اسی مایوسی کے نتیجے میں انہوں نے خودکشی کا راستہ اختیار کیا۔
واقعے کے بعد سنیہا کے اہل خانہ نے کوشک کے خلاف نریندرپور تھانے میں خودکشی کے لیے ا±کسانے کی شکایت درج کرائی تھی۔ اس شکایت کی بنیاد پر پولیس نے تحقیقات شروع کیں۔ تفتیش کار یہ معلوم کرنے کے لیے گرفتار نوجوان کو پولیس حراست میں لے کر پوچھ گچھ کرنا چاہتے ہیں کہ آیا سنیہا کی موت کے پیچھے کوشک کا کوئی کردار تھا یا نہیں۔تحقیقات کرنے والے ایک افسر نے بتایا کہ اس معاملے سے متعلق دیگر تمام حالات اور پہلوو¿ں کی بھی جانچ کی جا رہی ہے۔