پہلے ایک روزہ میچ میں با رش کی وجہ سے کھیل روک دیا گی,ا روہت اور کوہلی فلاپ

بھارت اور آسٹریلیا کے درمیان پہلا ون ڈے بارش کے باعث روک دیا گیا ہے۔ آسٹریلیا نے ٹاس جیت کر پہلے گیند بازی کا فیصلہ کیا۔ ہندستان کی شروعات خراب رہی، اس نے 8.5 اوور میں تین وکٹوں پر 25 رنز بنائے۔ بھارت نے روہت شرما، ویرات کوہلی اور کپتان شبمن گل کی وکٹیں گنوائیں۔ روہت اور کوہلی سات ماہ بعد ہندستانی جرسی پر واپس آئے لیکن وہ اسے یادگار بنانے میں ناکام رہے۔ بھارت کو پہلا جھٹکا روہت شرما کی صورت میں لگا۔ روہت 224 دنوں کے بعد میدان میں واپس آئے، لیکن کریز پر صرف 16 منٹ تک رہے۔ وہ جوش ہیزل ووڈ کی گیند پر سلپ میں کیچ آؤٹ ہوئے۔ روہت اپنا 500 واں بین الاقوامی میچ کھیل رہے تھے، لیکن وہ اسے یادگار بنانے میں ناکام رہے، انہوں نے 14 گیندوں پر ایک چوکے کی مدد سے آٹھ رنز بنائے۔ کوہلی اپنا کھاتہ کھولنے میں ناکام رہے اور مچل اسٹارک کی گیند پر کونولی کے ہاتھوں کیچ ہو گئے۔ روہت اور کوہلی دونوں سات ماہ بعد انٹرنیشنل کرکٹ میں واپس آئے، لیکن دونوں ہی اسے یادگار نہیں بنا سکے۔ آسٹریلیا کے خلاف ہندستان کی اننگز ڈگمگا گئی، نویں اوور میں اپنا تیسرا وکٹ گنوا دیا۔ روہت اور کوہلی کے بعد کپتان شبمن گل بھی رخصت ہوگئے۔ گیل نے 18 گیندوں پر 10 رنز بنائے جس میں دو چوکے بھی شامل تھے۔

Source: Social media