نیوزی لینڈ کی آئرلینڈ پر فیصلہ کن فتح، اننگز اور 79 رنز سے شکست دے کر ٹیسٹ اپنے نام کر لیا

بیلفاسٹ، 29 مئی:)بلیئر ٹکنر کی تباہ کن بالنگ اور ٹام بلنڈل کی شاندار سنچری کی بدولت نیوزی لینڈ نے واحد ٹیسٹ میچ کے تیسرے ہی دن میزبان آئرلینڈ کو اننگز اور 79 رنز کے بھاری مارجن سے عبرتناک شکست دے دی۔ ٹام بلنڈل کو ان کی 186 رنز کی شاندار اننگز پر 'پلیئر آف دی میچ' قرار دیا گیا۔آئرلینڈ نے آج اپنی دوسری اننگز کا آغاز 65 رنز 2 کھلاڑی آ¶ٹ سے کیا، لیکن کیوی بالرز کے سامنے ان کی ایک نہ چلی۔ پوری ٹیم 63.2 اوورز میں محض 232 رنز بنا کر پویلین لوٹ گئی۔لارکن ٹکر آئرلینڈ کی جانب سے سب سے زیادہ 50 رنز بنا کر نمایاں رہے ۔نیوزی لینڈ کی جانب سے بلیئر ٹکنر نے انتہائی مہلک با¶لنگ کا مظاہرہ کرتے ہوئے 5 کھلاڑیوں کو آ¶ٹ کیا ۔ ان کا بھرپور ساتھ نیتھن اسمتھ نے دیا جنہوں نے 2 وکٹیں حاصل کیں۔نیوزی لینڈ نے پہلی اننگز میں 8 وکٹوں پر 490 رنز کا پہاڑ کھڑا کیا تھا۔ جواب میں آئرلینڈ کی پہلی اننگز نیوزی لینڈ کے تیز گیند باز نیتھن اسمتھ کی قہر انگیز با¶لنگ کی نذر ہو گئی۔ اسمتھ نے صرف 29 گیندوں کے اندر 5 وکٹیں حاصل کیں اور مجموعی طور پر 40 رنز دے کر 6 شکار کیے ۔ آئرلینڈ کی پہلی اننگز 179 رنز پر سمٹ گئی تھی، جس کے بعد کیوی کپتان نے انہیں فالو آن کرانے کا فیصلہ کیا۔

Source: UNI NEWS