نواک جوکووچ کا پروفیشنل ٹینس پلیئرز ایسوسی ایشن سے الگ ہونے کا اعلان

ٹینس کے عالمی اسٹار نواک جوکووچ نے پروفیشنل ٹینس پلیئرز ایسوسی ایشن (پی ٹی پی اے) سے مکمل علیحدگی کا اعلان کر دیا ہے۔ نواک جوکووچ نے یہ اعلان سوشل میڈیا پر جاری کردہ ایک بیان میں کیا جس میں انہوں نے کہا کہ غور و خوض کے بعد انہوں نے پی ٹی پی اے سے بالکل الگ ہونے کا فیصلہ کیا ہے، جو شفافیت، یہ فیصلہ شفافیت گورننس اور جس طرح میری آواز اور میرے امیج کو پیش کیا گیا اس پر تحفظات کے بعد کیا۔ ان کا کہنا تھا کہ وہ اپنی توجہ ٹینس، فیملی اور کھیل میں اپنے اصولوں اور سالمیت کی عکاسی کرنے والے کردار پر مرکوز رکھیں گے۔ جوکووچ نے کھلاڑیوں کی بہتری کی نیک تمناؤں کا اظہار کیا، مگر کہا کہ ان کے لیے یہ باب اب بند ہو چکا ہے۔ یاد رہے کہ نواک جوکووچ پی ٹی پی اے کے بانی اراکین میں شامل تھے۔ 24 گرینڈ سلم ٹائٹلز جیتنے والے اس سربیائی کھلاڑی نے انفرادی کھیل کے آزاد کنٹریکٹرز کی آواز کو متعلقہ فورمز تک پہنچانے کے لیے اس ایسوسی ایشن کی بنیاد رکھی تھی۔ اس پلیٹ فارم سے کھلاڑیوں کی فلاح، شیڈولنگ اور دیگر مسائل پر آواز اٹھائی گئی، جبکہ پی ٹی پی اے نے مینز اور ویمنز ٹورز، انٹرنیشنل ٹینس فیڈریشن اور اسپورٹس انٹیگریٹی ایجنسی کے خلاف قانونی کارروائی بھی کی تھی۔

Source: social media