ہندستانی خواتین ٹیم نے عالمی کپ کے فائنل میں داخلہ حاصل کرلیا، سیمی فائنل میں آسٹریلیا کو ہرادیا

جمائمہ روڈریگس اور ہرمن پریت کور کے درمیان شاندار شراکت کی بدولت ہندستان آئی سی سی خواتین کے ون ڈے ورلڈ کپ کے فائنل میں پہنچ گیا۔ بھارت نے سیمی فائنل میں آسٹریلیا کو پانچ وکٹوں سے شکست دے کر ٹائٹل میچ میں جگہ بنالی۔ جیسے ہی بھارت نے وننگ باؤنڈری لگائی، میچ میں شاندار کارکردگی کا مظاہرہ کرنے والی جمائمہ روڈریگز جذباتی ہو گئیں۔ آسٹریلیا ٹورنامنٹ میں ناقابل شکست رہا لیکن ہندستانی ٹیم نے ایلیس ہیلی کی ٹیم کی جیت کا سلسلہ روک دیا۔ اب اتوار کو فائنل میں ہندستان کا مقابلہ جنوبی افریقہ سے ہوگا جس نے دوسرے سیمی فائنل میں انگلینڈ کو شکست دی تھی۔ آسٹریلیا نے پہلے بیٹنگ کرتے ہوئے 49.5 اوورز میں 338 رنز بنائے۔ جواب میں، جمائمہ نے ہندستان کے لیے سنچری بنائی اور کپتان ہرمن پریت کے ساتھ تیسرے وکٹ کے لیے 167 رنز کی شراکت داری کی، جس سے ہندستان کو 48.3 اوورز میں پانچ وکٹ پر 341 تک پہنچانے میں مدد ملی۔ یہ تیسرا موقع ہے جب ہندستانی ٹیم ون ڈے ورلڈ کپ کے فائنل میں پہنچی ہے۔ ٹیم اس سے قبل 2005 اور 2017 میں ٹائٹل میچ تک پہنچی تھی۔ہندستان نے اب تک کبھی ورلڈ کپ ٹرافی نہیں جیتی ہے اور اب اس کے پاس ٹائٹل کی قحط کو ختم کرنے کا اچھا موقع ہے۔

Source: social media