نئی دہلی، 16 جون : ہندستان نے شمالی کوریا میں اپنا نیا سفیر مقرر کر دیا ہے ۔وزارت خارجہ نے آج یہاں بتایا کہ پیراگوئے کی راجدھانی اسونسیون میں ہندستانی سفارت خانے کی چارج ڈی افیئرس مسٹر الوتی لونگ کو ڈیموکریٹک ریپبلک آف کوریا میں ہندستان کا اگلا سفیر مقرر کیا گیا ہے ۔امید ہے کہ وہ جلد نئی ذمہ داریاں سنبھال لیں گے ۔وزارت خارجہ کے مطابق ہندستان نے 2 جولائی 2021 کو شمالی کوریا میں اپنا سفارت خانہ بند کر دیا تھا، اس دوران اتل گوتسروی کو وہاں بطور سفیر تعینات کیا گیا تھا۔ شمالی کوریا کے ساتھ ہندوستان کے سفارتی رابطے مارچ 1962 میں قائم ہوئے تھے ۔اس کے علاوہ شمالی کوریا میں ہندستان کا قونصل خانہ 1968 میں قائم ہوا تھا۔اس کے بعد 10 دسمبر 1973 کو دونوں ممالک کے درمیان رسمی سفارتی تعلقات قائم ہوئے ۔وزارت خارجہ نے بتایا ہے کہ 1950 سے 1953 تک جاری رہنے والی کوریائی جنگ کے دوران اقوام متحدہ نے ہندوستان کی سربراہی میں نو رکن ممالک کا ایک کمیشن تشکیل دیا تھا۔ میجر جنرل کے ایس تھمیا کی سربراہی میں اس کمیشن نے دونوں ممالک کے درمیان جنگی قیدیوں کے تبادلے میں اہم کردار ادا کیا۔ ایک رپورٹ کے مطابق شمالی کوریا کے رہنما کم جونگ ان کا مستقبل قریب میں ہندستان کا دورہ کرنے کا امکان ہے ۔

Source: uni news