نئی دہلی، یکم جولائی : بھارتیہ جنتا پارٹی (بی جے پی) کے انوراگ ٹھاکر نے پیر کو لوک سبھا میں کہا کہ مودی حکومت گزشتہ دس برسوں میں ملک کے ہر شعبے کی ترقی کرکے ہندستان کو دنیا کی سب سے تیزی سے ترقی کرنے والی معیشت بنانے میں کامیاب ہوئی ہے۔ صدر دروپدی مرمو کے خطاب پر شکریہ کی تحریک پر بحث کا آغاز کرتے ہوئے مسٹر ٹھاکر نے کہا کہ ہندوستان دنیا میں سب سے تیزی سے ترقی کرنے والی معیشت ہے۔ ہندستان دنیا کی پانچویں بڑی معیشت ہے۔ دس سالوں میں زرمبادلہ کے ذخائر میں اضافہ ہوا ہے۔ ملکی خزانے کو دوگنا کر دیا گیا ہے۔ پچھلے دس سالوں میں ہماری حکومت نے چار کروڑ پکے گھر، بارہ کروڑ بیت الخلاء بنائے ہیں اور تقریباً ہر گھر کو بجلی فراہم کی ہے۔ انہوں نے کہا کہ آیوشمان یوجنا کے تحت سات کروڑ لوگوں کا مفت علاج ہوا۔ غریبوں کی زندگیوں میں بہت بڑی تبدیلی آئی ہے۔ پہلے لوگوں نے غریب کو غریب تر کر دیا تھا۔ وزیر اعظم نریندر مودی نے 25 کروڑ غریبوں کو غربت کی لکیر سے باہر نکالنے کا کام کیا ہے۔ انہوں نے کہا کہ وزیر اعظم نریندر مودی ہمیشہ غریبوں کا خیال رکھتے ہیں، اسی لیے پچھلے دس سالوں میں حکومت کی طرف سے لائی گئی اسکیموں سے غریبوں کو فائدہ پہنچا ہے۔ بی جے پی لیڈر نے کہا کہ پچھلی حکومت نے بینکوں کو بری حالت میں چھوڑ دیا تھا۔ اب ہمارے بینک مضبوط ہونے جا رہے ہیں۔ پہلے بینک کھاتہ کھولنا بھی مشکل تھا۔ پی ایم سواندھی یوجنا کے تحت تقریباً ستر لاکھ اسٹریٹ وینڈرز کو بغیر گارنٹی کے پیسے ملے اور انہیں کاروبار کرنے کا موقع ملا۔ کانگریس کو نشانہ بناتے ہوئے انہوں نے کہا کہ آج تقریباً 100 وندے بھارت ٹرینیں چل رہی ہیں۔ آپ کے دور میں ایک بھی نہیں تھا۔ آپ کے دور میں روزانہ 12 کلومیٹر قومی شاہراہیں بنتی تھیں، آج روزانہ 30 کلومیٹر قومی شاہراہیں بنتی ہیں۔ بی جے پی لیڈر نے کہا کہ ہماری حکومت نے کورونا جیسی وبا میں بہت اچھا کام کیا ہے۔ یہاں کے لوگوں کو وقت پر کورونا ویکسین پہنچانے کے ساتھ ساتھ اس کی اتنی زیادہ ویکسین ملک میں تیار ہوئی کہ ہندوستان نے 157 ممالک کو کورونا ویکسین فراہم کرنے کا کام کیا ہے۔
Source: uni news
سوائی مادھوپور میں گڈز ٹرین پٹری سے اتری
شہاب الدین کا خاندان آر جے ڈی میں واپس، اسامہ آئندہ الیکشن لڑیں گے
ممبئی کے باندرہ ریلوے اسٹیشن پر بھگدڑ، 9 افراد زخمی، کئی کی حالت تشویشناک، اپوزیشن نے اٹھائے سوالات
امریکہ نے غیر قانونی طور پر مقیم ہندستانیوں کو باہر نکالا
تلنگانہ:مسلم نوجوان کو ہجومی تشدد کا نشانہ بنایاگیا
کاروباری کی پولیس حراست میں موت، حکومت اپوزیشن کے نشانے پر
کیرالہ کے مندر میں آتشبازی کی دکان میں دھماکے سے 154 افراد زخمی
ممبئی کے باندرہ ریلوے اسٹیشن پر بھگدڑ، 9 افراد زخمی، کئی کی حالت تشویشناک، اپوزیشن نے اٹھائے سوالات
سوائی مادھوپور میں گڈز ٹرین پٹری سے اتری
تلنگانہ:مسلم نوجوان کو ہجومی تشدد کا نشانہ بنایاگیا
کاروباری کی پولیس حراست میں موت، حکومت اپوزیشن کے نشانے پر
سہارنپور: معمولی کہا سنی کے بعد بیوی کا قتل
ہم وارانسی کی متاثرہ کی لڑائی میں اس کے ساتھ ہیں: لامبا-پھوگاٹ
وقف ترمیمی بل 2024: جے پی سی کی میٹنگ میں ہنگامہ کا سلسلہ جاری، اپوزیشن اراکین پارلیمنٹ نے پھر کیا واک آؤٹ