پنچمی کی صبح نانور میں شادی شدہ خاتون کی پ±راسرار موت، اہل خانہ نے قتل کا الزام لگایا
پنچمی کی صبح بیر بھوم کے نانور میں ایک شادی شدہ خاتون کی پ±راسرار موت کا معاملہ سامنے آیا ہے۔ خاتون کے جسم پر زخموں کے متعدد نشانات پائے گئے ہیں۔ خاتون کے اہل خانہ نے ان کے شوہر اور سسرال والوں پر مار پیٹ کرکے قتل کرنے کا الزام عائد کیا ہے۔ مزید الزام ہے کہ بیوی کو قتل کرنے کے بعد شوہر نے لاش گھر میں ہی پڑی رہنے دی۔ بعد میں اسے اسپتال لے جانے کا ڈرامہ کیا گیا۔ پولیس نے شوہر سمیت دو افراد کو حراست میں لیا ہے۔ پولیس نے تفتیش شروع کر دی ہے۔
پولیس ذرائع کے مطابق، متوفی خاتون کا نام چمکی داس تھا اور ان کی عمر 36 سال تھی۔ وہ بیر بھوم ضلع کے نانور تھانے کے تحت پ±ندرا گاو¿ں کی رہنے والی تھیں۔
مقامی لوگوں نے بتایا کہ بدھ کی رات نشے کی حالت میں شوہر اور بیوی کے درمیان جھگڑا ہوا، جو ہاتھا پائی تک پہنچ گیا۔ لوگوں نے دونوں کے شور مچانے کی آوازیں سنی تھیں، تاہم بعد میں جھگڑا ختم بھی ہو گیا تھا۔
متوفی خاتون کے سسرال والوں کا دعویٰ ہے کہ جمعرات کی صبح خاندان کا ایک فرد انہیں علاج کے لیے اسپتال لے جا رہا تھا، اسی دوران چمکی کی موت ہو گئی۔ اس کے بعد میکے والوں کو اطلاع دی گئی۔
متوفی خاتون کے میکے والوں کا کہنا ہے کہ جب وہ وہاں پہنچے تو چمکی کی لاش گھر کے اندر پڑی ہوئی تھی۔ ان کے جسم پر زخموں کے متعدد نشانات تھے۔ اہل خانہ کا الزام ہے کہ چمکی کو مار پیٹ کرکے قتل کیا گیا ہے۔
اس واقعے میں چمکی کے اہل خانہ نے ان کی ساس، شوہر اور شوہر کے ایک بھائی کے خلاف مار پیٹ کرکے قتل کرنے کی شکایت درج کرائی ہے۔
واقعے کی اطلاع ملتے ہی نانور تھانے کی پولیس موقع پر پہنچی۔ لاش کو برآمد کرکے بولپور سب ڈویڑنل اسپتال بھیج دیا گیا ہے، جہاں پوسٹ مارٹم کیا جائے گا۔
متوفی کے اہل خانہ کی شکایت کی بنیاد پر پولیس نے تین افراد کو حراست میں لیا ہے۔ ان سے پوچھ گچھ کی جا رہی ہے۔
خاتون کی موت کیسے ہوئی، اس بارے میں اب بھی ابہام برقرار ہے۔ کیا انہیں مار پیٹ کرکے قتل کیا گیا یا موت کی کوئی اور وجہ تھی؟ اگر قتل کیا گیا تو اس کی وجہ کیا تھی؟ تفتیش کار تمام پہلوو¿ں سے معاملے کی جانچ کر رہے ہیں۔ ان کا کہنا ہے کہ پوسٹ مارٹم رپورٹ آنے کے بعد ہی موت کی اصل وجہ واضح ہو سکے گی۔