میچ کے دوران اسٹار پلیئر اور مخالف کھلاڑی آپس میں لڑ پڑے

میچ کے دوران کچھ اسٹار پلیئرز اور مخالف ٹیم کے کھلاڑی آپس میں لڑ پڑے، جھگڑے کی ویڈیو سوشل میڈیا پر تیزی سے وائرل ہوگئی۔ غیرملکی میڈیا پورٹس کے مطابق لڑائی کا یہ واقعہ انگلش پریمیئر لیگ میں پیش آیا جہاں چیلسی اور ویسٹ ہیم کے درمیان میچ کے دوران زبردست لڑائی ہوئی، ویڈیو سوشل میڈیا پر زیرگردش ہے، ویڈیو میں فٹبال پلیئرز ایک دوسرے کو پکڑتے اور دھکیلتے نظر آرہے ہیں۔ 31 جنوری کو ہونے والا مقابلہ چیلسی نے 2-3 سے جیتا، اس سنسنی خیز میچ میں شائقین کا بھی جوش و خروش عروج پر رہا، چیلسی کی کے اختتام پر دونوں ٹیموں کے کھلاڑیوں کے درمیان پرتشدد جھگڑا ہوگیا۔ فٹبال میچ کے دوران ہونے والا معمولی جھگڑا اس وقت شدت اختیار کرگیا جب ویسٹ ہیم کے کھلاڑی اڈاما ٹرور نے چیلسی کے کوکوریلا کو زمین پر گرا دیا۔ اس کے بعد دونوں ٹیموں کے کھلاڑی مشتعل ہو گئے اور کافی دیر تک لڑائی جاری رہی، اس دوران ویسٹ ہیم کے دفاعی کھلاڑی جین کلیئر ٹوڈیبو اپنا آپا کھو بیٹھے اور یہاں تک کہ چیلسی کے پیڈرو کو گلے سے پکڑ لیا جس کے بات کافی بڑھ گئی۔ ریفری اینتھونی ٹیلر نے فوری طور پر ٹوڈیبو کو اس حرکت پر ریڈ کارڈ دکھایا، تاہم ریفرینگ کے بارے میں بھی اس میچ کے بعد کئی سوالات اٹھیں ہیں کیونکہ کئی کھلاڑیوں کو بغیر سزا کے چھوڑ دیا گیا۔

Source: Social Media