بھارتی کرکٹ ٹیم کے اسٹار بیٹر ویرات کوہلی کی بیٹنگ کے دوران ایک مداح گراؤنڈ میں داخل ہو گیا اور ان کے قدموں میں گر کر پاؤں چھونے کی کوشش کرنے لگا۔ رانچی کے جے ایس سی اے انٹرنیشنل اسٹیڈیم میں بھارت اور جنوبی افریقا کے درمیان پہلے ون ڈے میچ کے دوران ایک شائق نے میدان میں گھس کر ویرات کوہلی کے قدموں میں گر کر ان کے پاؤں چھونے کی کوشش کی، مگر کوہلی نے اسے فوراً اٹھنے کا اشارہ کیا۔ جنوبی افریقا کے خلاف 3 ون ڈے میچوں کی سیریز کے پہلے میچ میں ویرات کوہلی نے شاندار 135 رنز کی تاریخی اننگز کھیل کر ایک بار پھر ثابت کر دیا کہ وہ کیوں عالمی کرکٹ کے سب سے بڑے بیٹسمینوں میں شمار ہوتے ہیں۔ 37 سالہ ویرات کوہلی نے اپنی 52 ویں ون ڈے سنچری اس انداز میں اسکور کی کہ پورا اسٹیڈیم کوہلی، کوہلی کے نعروں سے گونج اٹھا۔ ماضی میں کوہلی پر درمیانی اوورز میں سست روی کا الزام لگتا رہتا تھا، لیکن اس بار انہوں نے اس تاثر کو مکمل طور پر غلط ثابت کیا۔ روہت شرما کے ساتھ 136 رنز کی شاندار پارٹنر شپ نے بھارت کی بنیاد مضبوط کر دی، روہت 57 رنز بنا کر ایل بی ڈبلیو ہوئے، مگر کوہلی نے رفتار کم نہ ہونے دی۔ رانچی میں یہ کوہلی کی تیسری ون ڈے سنچری ہے، یہاں وہ پہلے بھی اپنی بہترین فارم دکھا چکے ہیں۔ مداح اسے بھارتی کرکٹ ٹیم کے سابق کپتان ایم ایس دھونی کے شہر ہونے کا اثر بھی قرار دے رہے ہیں۔ کوہلی نے 11 چوکوں اور 7 چھکوں کی مدد سے 135 رنز بنائے، جس کی بدولت بھارتی ٹیم نے 8 وکٹوں کے نقصان پر مقررہ 50 اوورز میں 349 رنز کا بڑا اسکور کھڑا کیا۔ کوہلی نے اس سنچری سے ایک بار پھر ثابت کر دیا کہ فام عارضی ہے، کلاس مستقل اور کوہلی کی کلاس آج بھی ناقابلِ شکست ہے۔
Source: social media
مالی بحران سے دوچار محمڈن اسپورٹنگ کلب’دیدی‘ نہیں تو ’دادا‘ سے مدد لے سکتا ہے؟
پاکستان کو پانچ وکٹوں سے شکست، ایشیا کپ 9ویں مرتبہ انڈیا کے نام
پاکستان کے خلاف میچ سے قبل بھارت کو بڑا دھچکا
ٹی 20 ایشیاء کپ: منگل کو پاکستان اور سری لنکا آمنے سامنے ہونگے
’’میں ایشیا کپ کی اپنی میچ فیس ہندستانی فوج کودینا چاہتا ہوں‘‘: کپتان سوریا کا بڑا اعلان
خاتون ہاکی ایشیا کپ 2025: ہندستان نے تھائی لینڈ کو 0-11 سے شکست دے کر کیا شاندار آغاز، ممتاز خان کی بہترین کارکردگی
مالی بحران سے دوچار محمڈن اسپورٹنگ کلب’دیدی‘ نہیں تو ’دادا‘ سے مدد لے سکتا ہے؟
پاکستان کو پانچ وکٹوں سے شکست، ایشیا کپ 9ویں مرتبہ انڈیا کے نام
پاکستان کے خلاف میچ سے قبل بھارت کو بڑا دھچکا
ٹی 20 ایشیاء کپ: منگل کو پاکستان اور سری لنکا آمنے سامنے ہونگے
’’میں ایشیا کپ کی اپنی میچ فیس ہندستانی فوج کودینا چاہتا ہوں‘‘: کپتان سوریا کا بڑا اعلان
خاتون ہاکی ایشیا کپ 2025: ہندستان نے تھائی لینڈ کو 0-11 سے شکست دے کر کیا شاندار آغاز، ممتاز خان کی بہترین کارکردگی
سہ ملکی سیریز: افغانستان نے پاکستان کو 18 رنز سے شکست دیدی
ہندستان نے پاکستان کو دی کراری شکست