Sports

’ہم سنچری گن رہے ہوتے ہیں ویرات روٹین کا کام سمجھ کر کردیتا ہے‘

سابق بھارتی کرکٹر وریندر سہواگ بھی ویرات کوہلی کی مسلسل دوسری سنچری کی تعریف کیے بنا نہ رہ سکے۔ رائے پور میں کھیلے جارہے دوسرے ون ڈے انٹرنیشنل میں ویرات کوہلی نے جنوبی افریقا کے خلاف مسلسل دوسری سنچری اسکور کی ہے جو ان کے کیریئر کی 53ویں اور مجموعی طور پر 84ویں سنچری ہے۔ ویرات کوہلی کی سنچری پر ایکس پر ان کا نام ٹاپ ٹرینڈز میں شامل ہے۔ لیجنڈ بیٹر کی سنچری کی خاص بات یہ ہے کہ رائے کپور میں ان کی یہ پہلی سنچری ہے اب وہ 34 مختلف وینیوز پر ون ڈے سنچری بنانے والے دوسرے کھلاڑی بن گئے ہیں۔ اس سے قبل بھارت کے ہی سچن ٹنڈولکر نے 34 مختلف وینیوز پر سنچریز بنا رکھی تھیں۔ تاہم وریندر سہواگ نے ایکس پر ویرات کوہلی کی سنچری کی تصاویر شیئر کیں اور لکھا کہ ’ویرات کوہلی کو 100 کا نشہ ہی الگ ہے، ہم لوگ سنچری گن رہے ہوتے ہیں وہ روٹین کا کام سمجھ کر کردیتا ہے۔‘ انہوں نے مزید لکھا کہ ’ویرات کوہلی ہے تو ممکن ہے، انہوں نے گائیکواڈ کو بھی سنچری اسکور کرنے پر مبارکباد دی۔

Source: social media