ہم آخر میں نروس تھے : کے ایل راہل

رانچی، 30 نومبر : ہندستانی ٹیم کے کپتان کے ایل راہل نے جنوبی افریقہ کے خلاف 17 رنز کی سنسنی خیز جیت پر کہا کہ آخر میں ہم نروس تھے ، لیکن گیند بازوں نے اپنی منصوبہ بندی پر عمل کرتے ہوئے کامیابی دلائی۔ جنوبی افریقہ کو 17 رنز سے شکست دینے کے بعد کے ایل راہل نے کہا:"اگر میں کہوں کہ ہم آخر میں نروس نہیں ہوئے تھے تو یہ جھوٹ ہوگا۔ ہم کافی عرصے بعد ون ڈے کرکٹ کھیل رہے تھے ۔ لیکن ہم مسلسل وکٹیں لیتے رہے اور ہمارے گیند بازوں نے اپنی منصوبہ بندی پر قائم رہ کر گیند بازی کی۔ انہوں نے ہمیں دبا¶ میں رکھا اور مسلسل واپسی کرتے رہے ۔ نمبر چھ پر بیٹنگ کرنا میرے لئے ٹھیک ہے اور مجھے ٹیم کیلئے اپنا کردار ادا کرنا ہے ۔ یہی ذمہ داری مجھے پچھلی 2-3 سیریز سے دی گئی ہے ۔ روہت اور کوہلی کو اس طرح کھیلتے دیکھنا ہمیشہ بہترین ہوتا ہے ۔ وہ حریف ٹیم کو دبا¶ میں رکھتے ہیں اور بتاتے ہیں کہ وہ اتنے بڑے کھلاڑی کیوں ہیں۔ میں کافی عرصے سے یہ دیکھ رہا ہوں، ڈریسنگ روم میں ان کے ساتھ رہنا اور بھی زیادہ دلچسپ ہوتا ہے ۔" اسپن گیند باز کلدیپ یادو نے کہا:"جب میں پہلے اسپیل کے بعد واپس آیا تو میری بات کے ایل (راہل) سے ہوئی۔ ہم جارحانہ رہنا چاہتے تھے ، چاہے گیند بازی کرنا مشکل ہی کیوں نہ ہو، کیونکہ وکٹیں لینا ضروری تھا۔ میں اسکریمبل سیم اور سیم اَپ کو مکس کر رہا تھا۔ کوشش یہی تھی کہ لینتھ تھوڑی پیچھے رکھوں، کیونکہ فل لینتھ پر مارنا آسان تھا۔ (34 اوور کے بعد ایک گیند کے اصول کے بارے میں) یہ کافی چیلنجنگ تھا۔ گیند بہت زیادہ گیلی ہو رہی تھی۔ ہم بار بار دھول لگا رہے تھے اور امپائر سے گیند بدلنے کی درخواست کر رہے تھے ۔ بوش اور یانسن نے بہترین اننگز کھیلیں، لیکن ہمیں صرف ایک وکٹ چاہیے تھا۔ میں نے کچھ گیندیں ہوا میں آہستہ بھی ڈالیں، لیکن صرف اسٹاک بال پر بھروسا نہیں کر سکتے ، ویری ایشن بہت ضروری ہے تاکہ بلے باز صرف اندازے میں رہے ۔ اسی سوچ کے ساتھ میں نے اسٹمپ ٹو اسٹمپ گیند بازی کی۔ یانسن ہر جگہ شاٹ کھیل رہے تھے اور اچھی گیند بھی با¶نڈری جا رہی تھی۔ لیکن قسمت نے ساتھ دیا، ان کی وکٹ ملی اور میچ پلٹ گیا۔"

Source: uni news