قطر کی سرکاری خبر رساں ایجنسی کے مطابق ریاست کے امیر شیخ تمیم بن حمد کی ہدایات پر عمل درآمد کے سلسلے میں قطر نے غزہ کی پٹی کے لیے 1.5 کروڑ لیٹر ایندھن کی فراہمی شروع کر دی ہے۔ اس طرح غزہ کے لیے قطر کی جانب سے ایندھن کا مجموعی حجم 3 کروڑ لیٹر ہو گیا ہے۔ ایندھن کی اس فراہمی کا مقصد ہسپتالوں اور بے گھر افراد کے پناہ گزین مراکز کو چلانا ہے۔ یہ ترسیل قطر کے مضبوط موقف اور فلسطینی بھائیوں کے دکھ درد کم کرنے کے مقصد سے مسلسل سپورٹ کو باور کراتی ہے۔ اس سے قبل قطر نے اپنی جانب سے پہلی انسانی امداد ارسال کی تھی جو ایریز کراسنگ کے راستے اردن سے پہنچی تھی۔ قطر کی سرکاری نیوز ایجنسی کے مطابق دوحہ کی جانب سے انسانی امداد کا مجموعی حجم 2600 ٹن ہو چکا ہے۔ یہ امداد قطر ڈیولپمنٹ فنڈ، قطر چیریٹی اور قطری ہلال احمر کی جانب سے پیش کی گئی۔
Source: social media
درجنوں فلسطینی حامی مظاہرین کا کولمبیا یونیورسٹی کی لائبریری پر قبضہ
نیتن یاہو نے غزہ میں زندہ اسرائیلی قیدیوں کی تعداد ظاہر کر دی
لاہور میں امریکی قونصلیٹ کی عملے کو ’محفوط مقام‘ پر منتقل ہونے کی ہدایت
اسرائیلی افواج نے مقبوضہ مشرقی یروشلم میں اقوامِ متحدہ کے سکول بند کر دیئے
ہم نے جو کچھ حوثیوں کے ساتھ کیا وہ ایران میں بھی کریں گے : اسرائیلی وزیر دفاع
خلیج فارس کا نام تبدیل کر دیں گے، ٹرمپ نے اعلان کردیا
