انڈین نژاد امریکی خلاباز سنیتا ولیمز اور بچ ولمور گزشتہ برس صرف آٹھ روز کے لیے خلائی مشن پر گئے تھے لیکن کسی تکنیکی مسئلے کی وجہ سے وہ 9 ماہ تک خلا میں پھنسے رہے۔ ناسا کی جانب سے انٹرنیشنل سپیس سٹیشن میں بھیجے گئے سنیتا ولیم اور بچ ولمور اب تقریباً 9 ماہ بعد واپس زمین پر لوٹ رہے ہیں۔ دونوں خلاباز ’سپیس ایکس ڈریگن‘ خلائی جہاز کے ذریعے 19 مارچ یا پھر اس کے آس پاس ممکنہ طور پر زمین پر پہنچیں گے۔ اس مشن کے حوالے پر جہاں اور بہت سے پہلو توجہ کا مرکز بنے ہوئے ہیں وہیں یہ بات بھی زیرغور ہے کہ آٹھ دنوں کے بجائے نو ماہ خلا میں گزارنے والے خلاباز اپنی خدمات کے عوض کتنی رقم تنخواہ کی مد میں حاصل کریں گے۔ ناسا سے ریٹائرڈ خلا باز کیڈی کولمین کے مطابق ناسا میں کام کرنے والے خلابازوں کو اوور ٹائم کے لیے کوئی تنخواہ نہیں دی جاتی ہے۔ کیونکہ ناسا کے ملازمین کو عام وفاقی ملازم ہی تصور کیا جاتا ہے اور وفاقی ملازمین کو اوور ٹائم کی کوئی تنخواہ نہیں دی جاتی ہے۔ خلابازوں کے خلا میں گزرے وقت کو زمین پر کسی بھی عام ورک ٹرپ کی طرح ہی شمار کیا جاتا ہے۔ وہ اپنی معمول کی تنخواہ وصول کرتے ہیں ہاں البتہ ناسا ان کے کھانے اور آئی ایس ایس پر رہائش کے اخراجات برداشت کرتا ہے۔ مس کولمی کے مطابق خلاباز روازنہ کے وظیفے کے طور پر چار ڈالر یومیہ کے حساب سے وصول کرتے ہیں اور یہی اضافی معاوضہ ہوتا ہے۔ ناسا کے خلاباز سنیتا ولیمز اور بَچ ولمور کو جی ایس-15 کی تنخواہ کے درجے میں رکھا گیا ہے جو امریکی نظام کے تحت جنرل شیڈول سسٹم کے تحت وفاقی ملازمین کے لیے سب سے اعلیٰ سطح ہے۔ جی ایس-15 حکومتی ملازمین کی سالانہ بنیادی تنخواہ ایک لاکھ 25 ہزار ایک سو 33 ڈالرز سے ایک لاکھ 62 ہزار چھ سو 72 ڈالر کے درمیان ہوتی ہے۔ یوں آئی ایس ایس پر اپنے طویل نو ماہ کے قیام کے لیے سنیتا ولیمز اور مسٹر بچ ولمور کو ایک مختصر شدہ تنخواہ ملے گی جو 93 ہزار آٹھ سو 50 ڈالرز سے ایک لاکھ 22 ہزار ڈالر کے درمیان ہو سکتی ہے۔
Source: social Media
صدر ٹرمپ اور صدر پیوٹن اس ہفتے ٹیلیفون پر بات کرسکتے ہیں، اسٹیو وٹکوف
احرام کو دوبارہ قابلِ استعمال بنانا: ماحول دوست حج کا فروغ
بلوچستان: نوشکی میں بم دھماکہ، پانچ سکیورٹی اہلکار ہلاک، 32 زخمی
سنیتا ولیمس اور بُچ ولمور کی زمین پر واپسی کی الٹی گنتی شروع، آئی ایس ایس میں داخل ہوا کُرو ڈریگن
یمن میں امریکی فضائی حملوں میں متعدد حوثی رہنما مارے گئے ہیں، مائیکل والٹز کا دعویٰ
شمالی مقدونیہ کے نائٹ کلب میں آتشزدگی، 59 افراد ہلاک اور 150 سے زائد زخمی ہوگئے
احرام کو دوبارہ قابلِ استعمال بنانا: ماحول دوست حج کا فروغ
بلوچستان: نوشکی میں بم دھماکہ، پانچ سکیورٹی اہلکار ہلاک، 32 زخمی
صدر ٹرمپ اور صدر پیوٹن اس ہفتے ٹیلیفون پر بات کرسکتے ہیں، اسٹیو وٹکوف
یمن میں امریکی فضائی حملوں میں متعدد حوثی رہنما مارے گئے ہیں، مائیکل والٹز کا دعویٰ
شمالی مقدونیہ کے نائٹ کلب میں آتشزدگی، 59 افراد ہلاک اور 150 سے زائد زخمی ہوگئے
"بمباری کے نیچے سرنگ": سابق اسرائیلی قیدی کے حماس کی سرنگوں کے بارے میں حیران کن انکشافات
طالبان نے عمر رسیدہ برطانوی جوڑے کو ’سخت سکیورٹی والی جیل‘ میں منتقل کر دیا
خلا میں 9 ماہ تک پھنسی رہنے والی انڈین نژاد امریکی خلاباز کو ناسا کتنی رقم دے گا؟