امریکی ریاست اوہائیو میں سٹارک کاؤنٹی کے پراسیکیوٹر نے کہا ہے کہ جیوری نے ایک سیاہ فام شخص کی موت میں دو پولیس افسران پر فرد جرم عائد کی۔ ان میں سے ایک پولیس اہلکار پر الزام ہے کہ اس نے اس شخص کی گردن کو اپنے گھٹنے زور سے دبا، جب وہ چیخ رہا تھا، مگراس طرح اس کی جان چلی گئی"۔ یہ ایک ایسا واقعہ ہے جس نے 2020ء میں امریکہ میں ایک سفید فام پولیس اہلکار کے ہاتھوں ایسے ہی طریقے سے ایک سفید فام کی موت کا واقعہ پیش آیا تھا۔ پراسیکیوٹر کائل سٹون نے مزید کہا کہ جیوری نے جمعہ کے روز کینٹن پولیس ڈیپارٹمنٹ کے24 سالہ بیو شنیج اور کیمڈن برچ پر53 سالہ فرینک ٹائسن کی موت میں قتل عمد کا الزام عائد کیا۔ پراسیکیوٹر کا کہنا ہے کہ یہ واقعہ 18 اپریل کا ہے۔ پولیس نے فرینک کو اس وقت گرفتار کیا جب اس کی گاڑی ٹریفک حادثے کا شکار ہوئی اور پولیس نے اسے فرار ہونے کی کوشش کے دوران گرفتار کرلیا تھا۔ سٹون نے کہا کہ"کوئی بھی قانون سے بالاتر نہیں ہے۔ کوئی بھی اتنی کمزور پوزیشن میں نہیں ہے کہ وہ تحفظ کا مستحق نہ ہو"۔ اس سال کے شروع میں کینٹن پولیس کی جانب سے جاری کی گئی باڈی کیمرہ فوٹیج میں دکھایا گیا تھا کہ افسران ٹائیسن کو قریبی بارسے گرفتار کیا تھا۔ پولیس کو شبہ تھا وہ اپنی کار کے بجلی کے کھمبے سے ٹکرانے کے موقع سے فرار ہو گئے تھے۔ گرفتاری کے دوران پولیس افسران اسے زمین پر پھینکا اور ہتھکڑی لگائی۔ فوٹیج میں ایک پولیس اہلکار تقریباً 30 سیکنڈ تک ٹائیسن کی کمر پر اپنا گھٹنا اس کی گردن کے قریب رکھے دیکھا جا سکتا ہے۔ ٹائسن کو یہ کہتے ہوئے سنا جا سکتا ہے کہ "میں سانس نہیں لے سکتا۔ میں نہیں۔ میرا دم گھٹ رہا ہے"۔مگر ایک پولیس افسر نے چیخ کر کہا کہ "پرسکون ہو جاؤ تم ٹھیک ہو"۔ ٹائسن کلپ میں تقریباً آٹھ منٹ تک اپنے چہرے کے ساتھ بے حرکت پڑے ہوئے دکھائی دیے۔ بعد میں پولیس افسران نے اس کی نبض چیک کی، ہتھکڑیاں ہٹائیں، اور کارڈیو پلمونری ریسیسیٹیشن کرنا شروع کیا مگر وہ فوت ہوچکا تھا۔ ہفتے کو منعقدہ ایک پریس کانفرنس کے دوران ٹائیسن خاندان کے وکیل نے ان الزامات کو انصاف کے حصول کی طرف ایک قدم قرار دیا۔ انہوں نے کہا کہ "ہمیں احساس ہے کہ یہ فرینک اور اس کے خاندان کے لیے انصاف حاصل کرنے کی طرف صرف ایک قدم ہے جو ایک طویل اور انتہائی مشکل سفر تھا‘‘۔ اس الزام میں ملزمان کو36 ماہ تک قید اور 10,000 ڈالر جرمانہ ہو سکتا ہے۔

Source: social media