افغان سرحدی پوسٹوں سے پاکستانی سرحدی چوکیوں پر فائرنگ کا سلسلہ جاری رہا، جس کے جواب میں پاکستانی سکیورٹی فورسز نے جوابی کارروائی کرتے ہوئے متعدد افغان سرحدی پوسٹوں، مارٹر پوزیشنز اور دفاعی چوکیوں کو نشانہ بنایا۔
جنوبی وزیرستان لوئر کے ڈپٹی کمشنر نے سوشل میڈیا پلیٹ فارم ایکس پر جاری بیان میں کہا کہ پاکستانی فورسز کے مؤثر ردعمل کے بعد افغان طالبان کے اہلکار بعض سرحدی پوسٹیں چھوڑنے پر مجبور ہو گئے۔
بیان کے مطابق پاکستانی فورسز نے سرحدی اشتعال انگیزی کا بھرپور جواب دیا اور علاقے کی صورتحال پر مسلسل نظر رکھی ہوئی ہے۔ حکام کا کہنا ہے کہ تاحال پاکستانی حدود میں کسی جانی نقصان کی اطلاع نہیں ملی۔
ڈپٹی کمشنر کے مطابق سکیورٹی فورسز ہر قسم کی سرحدی جارحیت کا مؤثر جواب دینے کے لیے مکمل طور پر تیار ہیں۔
تاہم، اس معاملے پر افغان حکام کی جانب سے تاحال کوئی باضابطہ ردعمل سامنے نہیں آیا۔
افغان سرحدی پوسٹوں سے پاکستانی سرحدی چوکیوں پر فائرنگ کا سلسلہ جاری رہا، جس کے جواب میں پاکستانی سکیورٹی فورسز نے جوابی کارروائی کرتے ہوئے متعدد افغان سرحدی پوسٹوں، مارٹر پوزیشنز ا...
Source: Admin
