ہیڈ ماسٹر پر حملہ کرنے والے چاروں بچوں کو عارضی ضمانت ملی
جلپائی گوڑی ضلع اسکول کے کلاس ٹین کے چار طلبا کو اسکول کے ہیڈ ماسٹر پر حملہ کرنے کے الزام میں گرفتار کر لیا گیا تھا۔ انہیں جوئنائل جسٹس بورڈ بھیج دیا گیا تھا۔ انہیں عدالت نے عارضی ضمانت دے دی۔ سبھوں بچوںکو سات دنوں تک روزانہ بورڈ کے سامنے حاضر ہونا ہوگا۔ اس کے بعد ہفتہ میں ایک بار کونسلنگ کےلئے جانا ہوگا۔8ستمبر کو ہیڈ ماسٹردھرم چند باروئی درجہ دہم کے بچوں نے جونیئر کلاس کےلئے اسپیشل میڈ ڈے میل جاری کرنے کو کہا تھا۔ اسٹیٹ ایجوکیشن منسٹر دیپک برمن نے گزشتہ جمعہ کو اسکول کا دورہ کیا تھا۔ انہوں نے کہا کہ چاروں بچوں کو ٹرانسفر سرٹیفیکٹ دے دیا جائے گا۔ یہ لوگ کسی دوسرے اسکول میں اپنی تعلیم جاری رکھ سکتے ہیں۔دوسرے اسکولوں کے ذمہ داروں سے کہہ دیا گیا ہے کہ ان بچوں کے داخلے میں کسی طرح کی کوئی دشواری نہیں ہونی چاہئے۔
بچوںکو بورڈ کے سامنے پیش کیا گیا تھا۔ سماعت کے لئے دوران طلبا کے وکلاءنے کہا کہ اسکول حکام نے ان لوگوںکو ٹرانسفر سرٹیفیکٹ دے دیا ہے۔ٹی سی خود ہی ایک طرح کی سزا ہے۔اب ان لوگوںکو حراست میں رکھنے کی کیا وجہ ہوسکتی ہے۔اگر انہیں یہاں رکھا جا تاہے تو اس مطالب ایک جرم کےلئے دو بار سزا دینا ہوا۔مجسٹریٹ نے بھی اس پر تبصرہ کرتے ہوئے کہا بچوںکو ٹی سی دے دی گئی ہے اس کا مطلب ہے کہ انہیں سزا مل گئی ہے۔ دوسری طرف مدھیامک امتحان بھی سامنے ہے۔یہ ان کےلئے بڑی سزا ہے۔