کلکتہ، 7 نومبر: شہر کی ایک عدالت نے درگا پوجا پاس کی فروخت میں مبینہ بدعنوانی کے معاملے میں گرفتار سابق وزیر اندرنیل سین کو 21 نومبر تک عدالتی تحویل میں بھیج دیا ہے ۔ عدالت نے ان کی سماجی اور سیاسی حیثیت کو مدنظر رکھتے ہوئے جیل میں فرسٹ کلاس قیدی کا درجہ دینے کی درخواست بھی منظور کرلی۔استغاثہ نے ضمانت کی مخالفت کرتے ہوئے کہا کہ تفتیش اہم مرحلے میں ہے ۔ سرکاری وکیل کے مطابق ملزم کے دو بینک کھاتوں میں 27 لاکھ روپے ملے ہیں، جبکہ منجمد کیے گئے 27 کھاتوں سے مجموعی طور پر 10 کروڑ روپے ضبط کیے گئے ہیں۔ پولیس نے چھاپے کے دوران 13 اہم دستاویزات بھی برآمد کی ہیں، جن کی جانچ باقی ہے ۔
استغاثہ کے مطابق 2021 میں درگا پوجا کو یونیسکو کی شناخت ملنے کے بعد 'ماس آرٹ' نامی کمپنی قائم کی گئی تھی، جس کے ڈائریکٹروں میں سین کی اہلیہ مدھوچھندا بھی شامل تھیں۔ الزام ہے کہ کمپنی نے درگا پوجا پاس اور پریویو شوز کی فروخت کے ذریعے کروڑوں روپے جمع کیے اور اس مقصد کے لیے یونیسکو کے نام کا غیر قانونی استعمال کیا۔
انفورسمنٹ ڈائریکٹوریٹ (ای ڈی) بھی مالی بے ضابطگیوں کی جانچ کر رہا ہے ۔ سین پر وزیر سیاحت رہتے ہوئے سرکاری ٹھیکوں کی تقسیم میں بھی بدعنوانی کے الزامات ہیں۔ تفتیش کاروں کو شبہ ہے کہ ٹھیکے حاصل کرنے والی کمپنیوں سے رقم ان کی بیٹی کے بینک کھاتے میں منتقل کی گئی اور بعد میں سابق وزیر کے کھاتے میں پہنچائی گئی۔پولیس ذرائع کے مطابق درگا پوجا پاس اور محکمہ سیاحت کے ٹھیکوں سے متعلق مبینہ بے ضابطگیاں 100 کروڑ روپے سے زیادہ کی ہوسکتی ہیں۔ تفتیش میں گزشتہ پانچ برسوں کے دوران سین سے مبینہ طور پر وابستہ تین کمپنیوں کو کم از کم 150 ٹھیکے دیے جانے کا بھی انکشاف ہوا ہے ۔
کلکتہ، 7 نومبر: شہر کی ایک عدالت نے درگا پوجا پاس کی فروخت میں مبینہ بدعنوانی کے معاملے میں گرفتار سابق وزیر اندرنیل سین کو 21 نومبر تک عدالتی تحویل میں بھیج دیا ہے ۔...
Source: Admin
