ہوڑہ : فردوس مسجد کے طرف سے ایک شاندار افطار پارٹی کا اہتمام کیا گیا جس میں برادران وطن کو بھی شامل کیا گیا۔ اس موقع پر کافی تعداد میں پولس افسران موجود تھے۔ جمعرات کو فردوس مسجد کے جنرل سکریٹری جناب بدرالدجی انصاری کی جانب سے ایک شاندار افطار پارٹی کا اہتمام کیاگیا۔ جس میں مہمان خصوصی کے طور پر جناب حافظ فیاض رضاءرضوی صاحب ملک پور، آئی سی مالی پانچ گھڑا، سابق کونسلر ساوتری دیوی ساﺅ ، ایڈ وکیٹ ہوڑہ کورٹ ونود کمار مشرا ، ڈاکٹر سی پی ورما، اور دیگر معزز حضرات شامل ہوئے۔مالی پانچ گھڑا تھانہ کے افسرانچارج کو تحفہ دے کر ان کا شاندار استقبال کیا گیا۔اسی طرح ایڈ وکیٹ مشرا جی کو بھی گفٹ دے کر ان کا سواگت کیا گیا۔ امتیاز بھارتیہ نے راہل سنگھ پپو بھائی کو گلاب پیش کیا۔ اس افطار پارٹی کا مقصد آپسی بھائی چارے کو عام کرنا ہے۔سبھی لوگ مل جل کر رہیںیہ ہم لوگوں کی منشا ءہے۔اس افطار پارٹی کو کامیاب بنانے میں فیروز انصاری صاحب جناب محمد علی جوہر ، جناب محمد مسلم ماسٹر، محترمہ شمیمہ خان، شریمتی سرسوتی پنڈت نے اہم کردار ادا کیا۔ پروگرام کے اختتام پر لوگوں کو گلاب پھول دیکر ان کا خیر مقدم کیا گیا۔

Source: Mashriq News service