دلچسپ مقابلے میں بیلجیئم کے ہاتھوں ہندستان کی شکست

ایپوہ (ملائیشیا)، 30 نومبر :- ہندستانی ہاکی ٹیم کو اتوار کے روز سلطان اذلان شاہ کپ 2025 کے فائنل مقابلے میں بلجیم کے ہاتھوں 1-0 سے شکست کا سامنا کرنا پڑا، جس کے بعد ہندستان کو چاندی کے تمغے پر ہی اکتفا کرنا پڑا۔ آج کھیلے گئے فائنل میں تھیبیو اسٹاک بروکس نے 34ویں منٹ میں فیصلہ کن گول اسکور کر کے دنیا کی نمبر تین ٹیم بیلجیم کو تاریخ کی اپنی پہلی سلطان اذلان شاہ کپ ٹرافی جیتنے میں مدد دی۔ قابلِ ذکر ہے کہ بیلجیم نے اس سے قبل 2008 میں واحد شرکت کے دوران چھٹا مقام حاصل کیا تھا۔دنیا کی ساتویں رینک والی ٹیم انڈیا، جو چھ سال کے وقفے کے بعد سلطان اذلان شاہ کپ میں واپس اتری تھی، مسلسل دوسری بار نائب چیمپئن بنی۔ اس سے قبل 2019 میں بھی ہندستان کو فائنل میں جنوبی کوریا کے ہاتھوں شکست کا سامنا کرنا پڑا تھا۔اتوار کے فائنل میں بلجیم نے ابتدا ہی سے کھیل پر اپنا دبا¶ قائم رکھا۔ یورپی ٹیم نے زیادہ خطرناک مواقع بنائے اور ہندستانی دفاع کو مسلسل چوکس رہنے پر مجبور کیا۔ اپنی برتری کے باوجود بلجیم پہلی نصف میں سبقت حاصل کرنے میں ناکام رہا، جس کی بڑی وجہ ہندستانی گول کیپر ششی کمار موہت ہونّی ہلّی اور پون کے شاندار دفاع تھے ۔ میچ دوبارہ شروع ہوتے ہی مقابلے کا پانسہ پلٹ گیا جب تھیبیو اسٹاک بروکس نے گول کرکے اپنی ٹیم کو برتری دلا دی اور ٹیم نے یہ برتری آخر تک برقرار رکھی۔ تقریباً اسی لمحے دوسری جانب ہندوستان ایک پینلٹی کارنر کو گول میں تبدیل کرنے میں ناکام رہا۔

Source: uni news