Sports

برسبین ٹیسٹ میں جو روٹ کی سنچری، انگلینڈ نے 9 وکٹوں پر 325 رنز بنالیے

برسبین ٹیسٹ کے پہلے روز کھیل کے اختتام پر انگلینڈ نے آسٹریلیا کے خلاف 9 وکٹوں پر 325 رنز بنالیے۔ ایشیز سیریز کے دوسرے ٹیسٹ کے پہلے روز جو روٹ نے شاندار سنچری اسکور کی جس کی بدولت انگلینڈ نے آسٹریلیا کے خلاف 9 وکٹوں کے نقصان پر 325 رنز بنالیے ہیں۔ جو روٹ 135 اور جوفرا آرچر 22 رنز کے ساتھ ناٹ آؤٹ ہیں۔ اوپنر زیک کرولی 76 رنز بنا کر آؤٹ ہوئے، بین ڈکٹ اور اولی پوپ کو مچل اسٹارک نے صفر پر پویلین بھیج دیا، بین اسٹوکس 19 اور ہیری بروک 31 رنز بنا کر آؤٹ ہوئے۔ وکٹ کیپر جیمی اسمتھ کو صفر پر بولینڈ نے بولڈ کیا، ول جیکس 19 رنز بناسکے۔ آسٹریلیا کی جانب سے مچل اسٹارک نے 6 وکٹیں حاصل کیں مچل نیسر اور اسکاٹ بولینڈ نے ایک، ایک وکٹ حاصل کی۔ واضح رہے کہ آسٹریلیا نے پہلے ٹیسٹ میچ میں انگلینڈ کو شکست دی تھی جس کے بعد کینگروز کو پانچ میچوں کی سیریز 1-0 کی برتری حاصل ہے۔

Source: social media