بھارت نے پہلا ٹی ٹوئنٹی 48 رنز سے جیتا، ورون اور شیوم نے 2 وکٹیں حاصل کیں۔ فلپس کی کوششیں رائیگاں گئیں

بھارت نے پہلے ٹی ٹوئنٹی میں نیوزی لینڈ کو 48 رنز سے شکست دے کر پانچ میچوں کی سیریز میں 1-0 کی برتری حاصل کر لی۔ بھارت نے ٹاس ہارنے کے بعد پہلے بیٹنگ کرتے ہوئے مقررہ 20 اوورز میں سات وکٹ پر 238 رنز بنائے۔ جواب میں نیوزی لینڈ کی ٹیم مقررہ اوورز میں سات وکٹوں پر صرف 190 رنز بنا سکی، مہمان ٹیم کی جانب سے گلین فلپس نے 78 رنز بنائے۔ بدھ کو ناگپور کے ودربھ کرکٹ ایسوسی ایشن اسٹیڈیم میں ٹاس ہارنے کے بعد پہلے بلے بازی کرتے ہوئے، بھارت نے ابھیشیک شرما (84) اور رنکو سنگھ (44*) کی دھماکہ خیز اننگز کی بدولت 20 اوورز میں سات وکٹوں پر 238 رنز بنائے۔ یہ ایک ٹی ٹوئنٹی میں نیوزی لینڈ کے خلاف ہندستان کا سب سے بڑا اسکور ہے۔ اس سے قبل، ہندستان نے 2023 میں نیوزی لینڈ کے خلاف 234/4 رنز بنائے تھے۔ جواب میں نیوزی لینڈ اپنے مقررہ اوورز میں سات وکٹوں پر صرف 190 رنز بنا سکی۔ ان کی جانب سے گلین فلپس نے سب سے زیادہ 78 رنز بنائے۔ ورون چکرورتی اور شیوم دوبے نے دو دو جبکہ ارشدیپ سنگھ، ہاردک پانڈیا اور اکسر پٹیل نے ایک ایک وکٹ حاصل کی۔

Source: social media