’بنگلہ دیشی کرکٹر مستفیض الرحمان کو ٹیم سے باہر کریں‘، شاہ رخ خان کی ٹیم کو بی سی سی آئی کی ہدایت

بنگلہ دیش کے تیز گیند بازمستفیض الرحمان اب انڈین پریمیرلیگ (آئی پی ایل ) 2026 میں نہیں کھیل پائیں گے۔ بھارتی کرکٹ کنٹرول بورڈ (بی سی سی آئی) کے سکریٹری دیواجیت سیکیا نے میڈیا سے بات کرتے ہوئی کہا کہ موجودہ حالات کے پیش نظر بی سی سی آئی نے آئی پی ایل فرنچائز کولکاتا نائٹ رائیڈرز (کے کے آر) کو اپنے اسکواڈ سے بنگلہ دیشی کھلاڑی مستفیض الرحمان کو ہٹانے کا حکم دیا ہے۔ مستیفظ کو خریدنے پر بالی ووڈ کے سپراسٹار اور کے کے آر کے مالک شاہ رخ خان کی مسلسل تنقید کی جارہی تھی۔ بتادیں کہ یہ پورا تنازع بنگلہ دیش میں اقلیتوں کے خلاف حالیہ تشدد کی وجہ سے پیدا ہوا ہے۔ حال ہی میں بنگلہ دیش سے آنے والی خبروں سے ہندوستان میں غم وغصہ پایا جارہا ہے۔ انہیں وارداتوں کا حوالہ دیتے ہوئے بی جے پی اور شیوسینا کے کئی لیڈروں نے بنگلہ دیشی کھلاڑی کی آئی پی ایل میں شرکت پر سوال اٹھائے ہیں۔ تنازعہ کو بڑھتا دیکھ کر بی سی سی آئی نے اس معاملے میں مداخلت کی اور کے کے آر کو مستفیض الرحمان کو ٹیم سے ہٹانے کی ہدایت کی۔ بی سی سی آئی کے سکریٹری دیواجیت سیکیا نے کہا کہ ملک بھر میں موجودہ حالات کے مدنظر بی سی سی آئی نے کے کے آر فرنچائزی کو حکم دیا ہے کہ وہ اپنے ایک کھلاڑی بنگلہ دیش کے مستفیض الرحمان کو ٹیم سے ریلیز کردیں۔ بی سی سی آئی نے یہ بھی کہا کہ اگر کے کے آر کسی متبادل کھلاڑی کا مطالبہ کرتی ہے تواسے اس کی اجازت دے گا۔واضح رہے کہ آئی پی ایل 2026 کے لیے دسمبر 2025 میں کھلاڑیوں کی منی نیلامی ہوئی تھی۔ اس دوران کے کے آر نے مستفیض الرحمن کو خریدا تھا۔ شاہ رخ خان کی ملکیت والی کے کے آر نے مستفیض الرحمن کو حاصل کرنے کے لیے 9.20 کروڑ روپئے خرچ کیے تھے۔ مستفیض کی بنیادی قیمت 2 کروڑ روپئے تھی۔ مستفیض کو لینے کے لیے کے کے آر اور چنئی سپر کنگز (سی ایس کے) کے درمیان سخت مقابلہ دیکھنے کو ملا تھا اور آخر کار کے کے آر بھاری قیمت پر اسی بنگلہ دیشی کھلاڑی کو لینے میں کامیاب رہی تھی۔ حالانکہ مستفیحض الرحمن کو خریدنے کے بعد سے ہی کے کے آر اور کنگ خان کو نشانہ بنایا جانے لگا تھا۔آئی پی ایل 2026 کی منی نیلامی میں 7 بنگلہ دیشی کھلاڑی شامل تھے۔ ان کھلاڑیوں میں رشاد حسین، تسکین احمد، تنظیم حسن ثاقب، ناہید رانا، رقیب الحسن، محمد شرف الاسلام اور مستفیض الرحمن شامل تھے۔ ان میں سے صرف مستفیض کو کو ہی خریدار ملا تھا۔ ملا۔

Source: PC- anandabazar