ایشیز سیریز کے تیسرے ٹیسٹ کے لیے انگلینڈ کی پلیئنگ الیون کا اعلان

انگلینڈ اینڈ ویلز کرکٹ بورڈ نے آسٹریلیا کے خلاف 17 دسمبر سے شروع ہونے والے تیسرے ٹیسٹ میچ کے لیے پلیئنگ الیون کا اعلان کردیا۔ ایشیز کی پانچ میچوں کی سیریز میں آسٹریلیا کو 2-0 کی برتری حاصل ہے، انگلینڈ نے پلیئنگ الیون میں ایک تبدیلی کی ہے، گس اٹکنسن کی جگہ جوش ٹونگ کو شامل کیا گیا ہے۔ ایٹکنسن آسٹریلیا کے دورے پر مایوس کن کارکردگی دکھا سکے اور 78.66 کی اوسط سے انہوں نے صرف تین وکٹیں حاصل کیں۔ جوش ٹونگ نے 2023 میں ڈیبیو کرنے کے بعد سے 6 ٹیسٹ میں انگلینڈ کی نمائندگی کی ہے، انہوں نے 30 کی اوسط سے 31 وکٹیں حاصل کررکھی ہیں۔ انگلینڈ نے اسپن پچ ہونے کے باوجود انہیں شعیب بشیر پر ترجیح دی جبکہ آسٹریلیا اپنے تجربہ کار اسپنر نیتھن لیون کو واپس لایا ہے۔ بیٹنگ میں انگلینڈ کی ناکامی کے باوجود پلیئنگ الیون میں حیران کن طور پر کوئی تبدیلی نہیں کی گئی ہے۔ انگلینڈ کی پلیئنگ الیون میں بین اسٹوکس کپتان ہیں، دیگر کھلاڑیوں میں زیک کرولی، بین ڈکٹ، اولی پوپ، جو روٹ، ہیری بروک، جیمی اسمتھ، ول جیکس، برائیڈن کارس، جوفرا آرچر اور جوش ٹونگ شامل ہیں۔

Source: social media