اقوام متحدہ میں امریکہ کی مستقل مندوب دوروتھی شیا نےسلامتی کونسل کے اجلاس میں کہا ہے کہ امریکہ نے ایران پر حملہ کیا تاکہ اسرائیل کی مدد اور تحفظ کو یقینی بنایا جا سکے۔ انہوں نے مزید کہا کہ ایران نے طویل عرصے تک اپنا جوہری ہتھیاروں کا پروگرام چھپایا اور حالیہ مذاکرات میں ہماری سنجیدہ کوششوں کو روکنے کی کوشش کی۔ دوروتھی شیا نے زور دیا کہ سلامتی کونسل کو ایران سے مطالبہ کرنا چاہیے کہ وہ اسرائیل کے خاتمے کی کوششیں بند کرے۔ انہوں نے کہا کہ ایران کو جوہری ہتھیار حاصل کرنے کی کوشش فوری طور پر روکنی چاہیے۔ انہوں نے خبردار کیا کہ ایران کو صورت حال بگڑانے سے باز رہنا ہوگا، کیونکہ کسی بھی ایرانی کارروائی کا سخت جواب دیا جائے گا۔ اقوام متحدہ کے سیکرٹری جنرل انتونیوگوتیرس نے بھی سلامتی کونسل کو بتایا کہ امریکہ کا ایران کے جوہری تنصیبات پر حملہ خطے کے لیے سنگین خطرہ ہے، جہاں پہلے ہی کشیدگی بڑھ چکی ہے۔ انہوں نے کہا کہ اب ہم ایک ایسے خطرناک دور میں داخل ہو رہے ہیں جہاں جواب کے جواب کا سلسلہ ختم نہ ہونے والا گھمبیر بحران پیدا کر سکتا ہے۔ گوتیرس نے زور دیا کہ فوری اور پُرعزم اقدامات کیے جائیں تاکہ لڑائی روکی جائے اور ایران کے جوہری پروگرام پر سنجیدہ اور دیرپا مذاکرات شروع ہوں۔

Source: social media