ایران کی باسکٹ بال ٹیم کے کھلاڑی ’عوام سے اظہار ہمدردی‘ میں مستعفی

ایران کی قومی باسکٹ بال ٹیم کے ایک کھلاڑی کا کہنا ہے کہ انھوں نے ’عوام سے ہمدردی‘ میں ٹیم سے استعفیٰ دیا ہے۔ بہنم یخچالی نے اپنے انسٹاگرام پر ایک پیغام پوسٹ کیا جس میں کہا گیا ہے کہ وہ اس وقت تک ایرانی ٹیم میں شامل نہیں ہوں گے جب تک ’لوگوں کے دل ٹھیک نہیں ہوتے‘۔ انھوں نے زور دے کر کہا کہ ایرانی ٹیم کی جرسی پہننا ہمیشہ ان کا ’سب سے بڑا اعزاز‘ رہا ہے لیکن موجودہ حالات میں وہ عوام کے دکھوں سے لاتعلق نہیں رہ سکتے۔ قومی باسکٹ بال کھلاڑی نے مزید کہا کہ ان کا فیصلہ عدم دلچسپی سے نہیں کیا گیا بلکہ ’ہمدردی اور احترام کا انتخاب ہے۔ اس سے قبل ایران کی قومی فٹ بال ٹیم کی کھلاڑی زہرہ علی زادہ نے بھی ایسا ہی ایک پیغام شائع کرتے ہوئے ایرانی ٹیم سے دستبرداری کا اعلان کرتے ہوئے کہا تھا کہ موجودہ صورتحال میں ان کی ترجیح ’عوام کے ساتھ کھڑا ہونا‘ ہے۔ حالیہ ہفتوں میں فنکاروں اور کھلاڑیوں سمیت بہت سی ایرانی شخصیات نے احتجاج کی حمایت کی ہے اور ایران کی موجودہ صورتحال پر اپنی عدم اطمینان کا اظہار کیا ہے۔

Source: Social Media