آسٹریلیا کو ہوم گراؤنڈ میں شکست، ایشز ٹیسٹ 15 برس بعد انگلینڈ کے نام

انگلینڈ نے آسٹریلیا کی سرزمین پر 15 سال بعد ٹیسٹ میچ جیت کر بڑی کامیابی حاصل کر لی ہے۔ اے ایف پی کے مطابق میلبورن کرکٹ گراؤنڈ میں کھیلا گیا ایشز سیریز کا چوتھا ٹیسٹ صرف دو دن میں ختم ہو گیا، جہاں مجموعی طور پر 36 وکٹیں گریں۔ ’یہ ہے ٹیسٹ کرکٹ کی خوبصورتی‘، سنسنی خیز مقابلے کے بعد انڈیا، انگلینڈ سیریز برابر ایشز سیریز کا چوتھا ٹیسٹ، پہلے دن دونوں ٹیموں کی پہلی اننگز کا خاتمہ میچ کے دوسرے دن انگلینڈ نے آسٹریلیا کو دوسری اننگز میں 132 رنز پر آؤٹ کر دیا، جس کے بعد انگلینڈ کو جیت کے لیے 175 رنز کا ہدف ملا۔ انگلش ٹیم نے یہ ہدف چھ وکٹوں کے نقصان پر حاصل کر لیا۔ ہیری بروک 18 اور جیمی سمتھ تین رنز کے ساتھ ناٹ آؤٹ رہے جبکہ جیکب بیتھل نے 40 اور زیک کراؤلی نے 37 رنز بنائے۔ میچ کے بعد انگلینڈ کے کپتان بین سٹوکس نے کہا کہ ’یہ فتح ٹیم کے لیے بہت اہم ہے۔‘ ان کا کہنا تھا کہ ’دورہ اب تک مشکل رہا، لیکن تمام تنقید کے باوجود ٹیم نے بہترین کھیل پیش کیا اور ایک مضبوط آسٹریلوی ٹیم کو شکست دی۔‘ انہوں نے کہا کہ وہ اپنی ٹیم پر فخر محسوس کرتے ہیں۔ انگلینڈ ابتدائی تین ٹیسٹ میچ ہار چکا تھا اور میلبورن میں ٹیم شدید دباؤ میں تھی۔ ٹیم پر ناقص تیاریوں اور سیریز کے دوران نظم و ضبط سے متعلق الزامات بھی لگے لیکن اس میچ میں انگلینڈ نے بھرپور جواب دے دیا۔ اب انگلینڈ پانچواں اور آخری ٹیسٹ اعتماد کے ساتھ سڈنی میں کھیلے گا۔

Source: Social Media