آسٹریلیا کی خاتون کرکٹ ٹیم نے جنوبی افریقہ کو 65 رن سے شکست دے دی

مانچسٹر، 13 جون:) فیبی لیچفیلڈ کی نصف سنچری اور جارجیا ویئرہم کی شاندار آل را¶نڈ کارکردگی کی بدولت آسٹریلیا نے خواتین کے ٹی-20 ورلڈ کپ کے ایک میچ میں جنوبی افریقہ کو 65 رن سے شکست دے دی۔آسٹریلیا نے پہلے بیٹنگ کرتے ہوئے 20 اوورز میں آٹھ وکٹوں کے نقصان پر 172 رنز بنائے ۔ جواب میں جنوبی افریقہ کی پوری ٹیم 16.4 اوورز میں صرف 107 رنز پر ڈھیر ہوگئی۔ فیبی لیچفیلڈ نے 50 رنز کی اہم اننگز کھیلی، جبکہ جارجیا ویئرہم نے 32 رنز بنانے کے ساتھ ساتھ تین وکٹیں بھی حاصل کیں اور انہیں پلیئر آف دی میچ قرار دیا گیا۔ ہدف کے تعاقب میں جنوبی افریقہ کی جانب سے کپتان لورا وولفارٹ نے 44 رنز کی مزاحمتی اننگز کھیلی، لیکن ان کے علاوہ کوئی بھی بلے باز وکٹ پر زیادہ دیر نہ ٹھہر سکا۔ آسٹریلیا نے ٹاس جیت کر پہلے بیٹنگ کا فیصلہ کیا اور سست ہوتی پچ کا بھرپور فائدہ اٹھایا۔ جارحانہ بیٹنگ کی بدولت ٹیم نے جنوبی افریقہ کے خلاف اپنا اب تک کا سب سے بڑا ٹی-20 ورلڈ کپ اسکور بنایا۔جنوبی افریقہ کی اننگز کا آغاز ہی خراب رہا اور ابتدائی وکٹیں گرنے سے ٹیم دبا¶ میں آگئی۔ لورا وولفارٹ نے ایک اینڈ سنبھالے رکھا، لیکن مطلوبہ رفتار سے رنز نہ بن سکے ۔ ان کے آ¶ٹ ہونے کے بعد جنوبی افریقہ کی بیٹنگ مکمل طور پر بکھر گئی اور ٹیم نے صرف 25 رنز کے اضافے پر اپنے آخری سات وکٹیں گنوا دیں۔گیندبازی میں جارجیا ویئرہم نے 13 رنز دے کر تین وکٹیں حاصل کیں، جبکہ الانا کنگ اور کپتان سوفی مولینوکس نے دو، دو کھلاڑیوں کو آ¶ٹ کر کے آسٹریلیا کی بڑی فتح میں اہم کردار ادا کیا۔

Source: UNI NEWS