اسرائیلی فضائی حملے میں جبالیہ کیمپ میں معروف فلسطینی آرٹسٹ محاسن الخطیب شہید ہو گئیں۔ با صلاحیت مصورہ اور ڈیزائنر محاسن الخطیب حملے کے وقت اپنے گھر پر تھیں، ان کی آخری تخلیق، جو ان کی موت سے چند گھنٹے قبل سوشل میڈیا پر پوسٹ کی گئی، وہ بھی سامنے آگئیں۔ اپنی آخری پوسٹ میں انہوں نے 19 سالہ شابان الدالو کو خراج عقیدت پیش کیا تھا۔ محاسن خود بے پناہ چیلنجز کا سامنا کر رہی تھیں لیکن اس کے باوجود وہ اپنے فن کے ذریعے غزہ کے رہائشیوں کی مشکلات کو اجاگر کرتی تھیں۔ بطور مصورہ، اسٹوری بورڈ آرٹسٹ، فری لانس کردار ڈیزائنر، اور ڈیجیٹل آرٹ کی استاد، محاسن اپنے خاندان کی کفیل تھیں۔ عرب میڈیا کا کہنا ہے کہ غزہ پٹی میں اسرائیلی حملوں کے نتیجے میں آج صبح سے کم از کم 33 فلسطینی شہید ہو چکے ہیں، جن میں جبالیہ پناہ گزین کیمپ میں 18 افراد شامل ہیں، جبکہ شمالی غزہ میں اسرائیلی افواج کے ذریعے زبردستی نقل مکانی کا سلسلہ جاری ہے۔ 17 روز قبل شمالی غزہ میں اسرائیل کی فوجی کارروائی شروع ہونے کے بعد سے کم از کم 640 فلسطینی شہید ہو چکے ہیں۔ خیال رہے کہ 7 اکتوبر 2023 سے اسرائیلی حملوں کے نتیجے میں غزہ میں کم از کم 42,603 افراد شہید اور 99,795 زخمی ہو چکے ہیں۔ 7 اکتوبر 2023 کو اسرائیل پر حماس کے حملوں میں 1,139 افراد ہلاک ہوئے جبکہ 200 سے زائد افراد کو یرغمال بنا لیا گیا۔
Source: social media
امریکا میں ہیلی کاپٹر ریڈیو ٹاور سے ٹکرا کر تباہ، بچے سمیت 4 افراد جھلس کر ہلاک
حماس کے حملے میں بچنے والی اسرائیلی لڑکی کی خودکشی، اسرائیلی ریاست ذمہ دار قرار
اسرائیل میں جدید ترین اینٹی میزائل سسٹم ’تھاڈ‘ نصب
ترکیہ میں فوجی بغاوت کروانے والے فتح اللہ گولن امریکا میں انتقال کرگئے
اسرائیل کا ایرانی جاسوس نیٹ ورک پکڑنے کا دعویٰ، 7 اسرائیلی گرفتار
غزہ اور لبنان میں جنگ کے لیے اسرائیل روزانہ کتنی رقم خرچ کررہا ہے؟
جو بائیڈن کی ایران پر حملے کے اسرائیلی پلان پر گفتگو اشتعال انگیز ہے، ایران
بنگلا دیش: سیلاب سے 11 لاکھ میٹرک ٹن چاولوں کی فصل تباہ
جنگ کے بعد غزہ میں آباد کاری کریں گے، اسرائیلی وزرا کی نئی اشتعال انگیزی
امریکا: صدارتی انتخابات کیلئے ٹیکساس سمیت مزید 9 ریاستوں میں قبل ازوقت ووٹنگ شروع
’تم ہمارے بادشاہ نہیں‘ آسٹریلین خاتون سینیٹر برطانوی بادشاہ چارلس پر برس پڑیں
امریکی انتخابات میں ڈونلڈ ٹرمپ کی جیت غزہ جنگ ختم کر سکتی ہے: اسرائیلی اخبار
’تھاڈ‘ سسٹم اب اسرائیل میں موجود ہے:امریکی وزیر دفاع لائیڈ آسٹن
پاکستان: گدھے اور پالتو جانوروں پر زیادہ وزن لادنے پر سزا ہوگی، بل پیش