کانپور، 30 ستمبر: یشسوی جیسوال (72) ، کے ایل راہل (68)، وراٹ کوہلی (47) اور شبمھن گل (39) کی شاندار اننگز کے بعد بنگلہ دیش کی دوسری اننگز میں روی چندرن اشون نے دو وکٹ لیکر پیر کو دوسرے ٹیسٹ میچ کی چوتھی اننگز کو دلچسپ بنا دیا ہے۔ بنگلہ دیش کے اوپنرز شادمان اسلام اور ذاکر حسن نے دوسری اننگز میں محتاط انداز میں کھیلنے کی کوشش کی۔ کپتان روہت شرما نے تیز گیند بازوں کو آزمانے کے بعد آٹھویں گیند آر اشون کو گیند دی اور انہوں نے پہلی گیند کو معنی خیز بناتے ہوئے ذاکر حسن (10) کو ایل بی ڈبلیو کر کے پویلین بھیج دیا۔ اس کے بعد اشون نے بیٹنگ کے لیے آئے حسن محمود (چار) کو بولڈ کرکے بنگلہ دیش کو دوسرا جھٹکا دیا۔ دن کے کھیل کے اختتام پر شادمان اسلام (سات ناٹ آؤٹ) اور مومن الحق (صفر ناٹ آؤٹ) کریز پر موجود تھے۔ ہندوستان کے لیے اشون نے پانچ اووروں میں 14 رن دے کر دو وکٹ لیے۔ اس سے قبل یشسوی جیسوال، کے ایل راہول، وراٹ کوہلی اور شبھمن گل کی شاندار بلے بازی کی بنیاد پر ہندوستان نے دوسرے ٹیسٹ میچ کے چوتھے دن نو وکٹ پر 285 کے اسکور پر 52 رن کی برتری کے ساتھ اننگز ڈکلیئر کردی تھی۔ بنگلہ دیش کو پہلی اننگز میں 233 رن پر آؤٹ کرنے کے بعد ہندستان کے یشسوی جیسوال اور کپتان روہت شرما بیٹنگ کے لیے آئے اور پہلے وکٹ کے لئے 3.5 اووروں میں 55 رن جوڑے۔ مہدی حسن معراج نے چوتھے اوور میں روہت شرما کو بولڈ آؤٹ کیا۔ روہت نے 11 گیندوں میں تین چھکے اور ایک چوکا لگا کر 23 رن بنائے۔ 15ویں اوور میں حسن محمود نے سنچری کی طرف بڑھ رہے جیسوال کو بولڈ کر کے ہندستان کو بڑا جھٹکا دیا۔ جیسوال نے 51 گیندوں میں دو چھکوں اور 12 چوکوں کی مدد سے 72 رن کی اننگز کھیلی۔ شبھمن گل (39) اور رشبھ پنت 9 رن بنانے کے بعد آؤٹ ہوئے۔ وراٹ کوہلی نے 35 گیندوں میں 4 چوکے اور ایک چھکا لگا کر 47 رن کی اننگز کھیلی۔ کے ایل راہول نے 43 گیندوں میں سات چوکے اور دو چھکے لگا کر (68) رن بنائے۔ رویندر جڈیجہ (آٹھ) اور آر اشون (12) رن بنانے کے بعد آؤٹ ہوئے۔ ہندوستان نے 34.4 اوور میں نو وکٹ پر 285 رن پر اننگز ڈکلیئر کر دی۔ بنگلہ دیش کی جانب سے شکیب الحسن اور مہدی حسن معراج نے چار چار وکٹیں حاصل کیں۔ حسن محمود نے ایک بلے باز کو آؤٹ کیا۔ اس سے قبل جسپریت بمراہ اور دیگر گیند بازوں نے بارش سے متاثرہ دوسرے ٹیسٹ میچ کے چوتھے دن بنگلہ دیش کی پہلی اننگز 233 کے اسکور پر سمیٹ دی تھی۔ تقریباً ڈھائی دنوں سے بارش اور آؤٹ فیلڈ گیلے ہونے کی وجہ سے بنگلہ دیش نے آج صبح تین وکٹ پر 107 کے اسکور سے آگے کھیلنا شروع کیا۔ ٹیم کا اسکور صرف 112 رن تھا جب جسپریت بمراہ نے مشفق الرحیم (11) کو بولڈ کرکے پویلین بھیج دیا۔ اس کے بعد محمد سراج نے لٹن کمار داس (13) کو روہت شرما کے ہاتھوں کیچ آؤٹ کروا کر بنگلہ دیش کو پانچواں جھٹکا دیا۔ شکیب الحسن (9) کو اشون نے آؤٹ کیا۔ لنچ کے وقت تک بنگلہ دیش نے چھ وکٹ پر 210 رن بنا لیے تھے۔ لنچ کے بعد بنگلہ دیش کی ساتویں وکٹ مہدی حسن میراز کی صورت میں گری۔ جمنے کی کوشش کرنے والے مہدی حسن معراج (20) کو بمراہ نے گل کے ہاتھوں کیچ آؤٹ کرایا۔ اس کے بعد تیج الاسلام (5) کو بمراہ نے بولڈ کیا۔ حسن محمود (1) کو محمد سراج نے ایل بی ڈبلیو کیا۔ رویندرا جدیجا نے خالد احمد (0) کو اپنی ہی گیند پر کیچ کرکے بنگلہ دیش کی اننگز سمیٹ دی۔ مومن الحق (107 ناٹ آؤٹ) رہے۔ بنگلہ دیش کی پہلی اننگز 74.2 اووروں میں 233 رن پر ختم ہوئی۔ اس سے قبل لنچ کے وقفے تک بنگلہ دیش نے 67 اووروں میں چھ وکٹوں کے نقصان پر 210 رن بنائے تھے۔ مومن الحق 106 اور مہدی چھ رنز کے ساتھ کھیل رہے تھے۔ ہندستان کی جانب سے جسپریت بمراہ نے 50 رن کے عوض تین وکٹیں حاصل کیں۔ محمد سراج، روی چندرن اشون اور آکاش دیپ نے دو دو وکٹیں حاصل کیں۔ رویندرا جدیجا نے ایک بلے باز کو آؤٹ کیا۔

Source: uni news service