نئی دہلی: منگل کو دہلی کے نیتا جی سبھاش پلیس میں دسہرے کی تقریبات کے دوران راون، کمبھ کرن اور میگھ ناد کے پتلاں کے ساتھ 30 فٹ کا کاکروچ (تل چٹا) کا پتلا بھی جلایا گیا۔ اس اقدام پر 'کاکرچ جنتا پارٹی' (CJP) کے رہنماؤں کی جانب سے سخت ردعمل سامنے آیا اور سوشل میڈیا پر ایک بحث چھڑ گئی۔
جہاں منتظمین کا کہنا تھا کہ یہ پتلا گندگی کی علامت ہے اور اس کا مقصد صفائی کو فروغ دینا تھا، وہیں CJP کے بانی ابھیجیت دیپکے نے فلم سودیش کا ایک منظر شیئر کیا، جس کے بول تھے: "من سے راون جو نکالے، رام اس کے من میں ہے"۔ ایک دوسری پوسٹ میں انہوں نے "مفت کی شہرت" دینے پر منتظمین کا شکریہ بھی ادا کیا۔

CJP کی قانونی سربراہ رتنا سنگھ نے اس واقعے کو "تماشا" قرار دیتے ہوئے لکھا: "تماشا کرا لو بس اس دیش میں"۔ اپنی ایک اور پوسٹ میں انہوں نے کہا کہ اس واقعے سے ظاہر ہوتا ہے کہ CJP نے "کچھ تو درست کیا ہے"۔ انہوں نے کہا: "دسہرے پر کاکروچ کا پتلا جلانا صرف یہ دکھاتا ہے کہ حاکم جماعت کتنی حواس باختہ ہے۔ یہ جان کر اچھا لگا کہ ہم اتنا اثر ڈال رہے ہیں کہ آپ ہمیں اپنا حریف سمجھ رہے ہیں۔"