National

حکومت پر وعدہ خلافی کا الزام: کوکروچ جنتا پارٹی کا 5 ستمبر کو دہلی میں احتجاجی مارچ کا اعلان

24/08/26

نیو دہلی: کوکروچ جنتا پارٹی نے 25 جولائی کے وعدوں پر عمل نہ کرنے کے خلاف آئندہ 5 ستمبر کو انڈیا گیٹ سے نئے دہلی پولیس ہیڈ کوارٹر تک ایک پرامن احتجاجی مارچ کا اعلان کیا ہے۔ سوموار دوپہر 2 بجے پارٹی کی نیشنل ورکنگ کمیٹی کے اہم اجلاس کے بعد جاری کردہ بیان میں کہا گیا کہ اس مارچ کی قیادت NEET کے متوفی متاثرین کے اہل خانہ اور 20 جولائی کے ’سنسد چلاؤ‘ مارچ کے دوران پولس بربریت کا شکار ہونے والے افراد کریں گے۔ اس احتجاج میں ملک بھر سے طلباء اور نوجوان بڑی تعداد میں شرکت کریں گے۔
پارٹی نے حکومت پر الزام عائد کیا ہے کہ 25 جولائی کو کیے گئے وعدوں پر عمل کرنے کے بجائے تکنیکی لفاظی اور تاخیری حربوں کا سہارا لیا جا رہا ہے۔

مرکزی حکومت نے طلباء اور مظاہرین کے خلاف درج ایف آئی آرز واپس لینے اور 18 اگست کو سپریم کورٹ کے ذریعے تمام ایف آئی آرز کی فہرست طلب کرنے کے باوجود کوئی واضح موقف نہیں اپنایا۔ CJP کو مرکزی حکومت کی جانب سے دیا جانے والا تحریری یقین دہانی کا خط بھی اب تک زیر التوا ہے۔ پارٹی نے واضح کیا کہ ان کی شرافت کو کمزوری نہ سمجھا جائے۔ حکومت کے وعدوں پر اعتبار کرتے ہوئے اپنا ملک گیر احتجاج ختم کیا گیا تھا، لیکن اگر حکومت اپنی بات سے پیچھے ہٹتی ہے تو نوجوان نسل سڑکوں پر دوبارہ احتجاج کے لیے تیار ہے۔

Source: Admin