اکستان نے لیا یوٹرن، ٹی-20 ورلڈ کپ 2026 میں ہندوستان کے ساتھ کھیلنے کے لئے راضی، آئی سی سی میٹنگ کے بعد لیا فیصلہ

پاکستان ٹی-20 ورلڈ کپ 2026 میں ہندوستان کے ساتھ کھیلنے کوراضی ہوگیا ہے۔ طے شیڈول کے مطابق، یہ میچ 15 فروری کوکولمبومیں کھیلا جانا ہے۔ پاکستان نے لاہورمیں ہوئی میٹنگ کے بعد یہ فیصلہ لیا ہے۔ اس میٹنگ میں پاکستان اوربنگلہ دیش نے آئی سی سی کے سامنے کئی مطالبات رکھے تھے، جن میں سے کچھ مطالبات کوتسلیم بھی کرلیا گیا ہے۔ بنگلہ دیش کوٹی-20 ورلڈ کپ 2026 سے باہرکردیا گیا تھا۔ لاہورمیں ہوئی میٹنگ میں یہ مطالبہ رکھا گیا کہ ورلڈ کپ سے باہرہونے پربھی بنگلہ دیش کومعاوضہ دیا جائے۔ اس پرانٹرنیشنل کرکٹ کونسل راضی ہوگیا ہے۔ معاوضے کے طورپر بنگلہ دیش کوانڈر-19 ورلڈ کپ اورخواتین ورلڈ کپ کی میزبانی بھی دی جاسکتی ہے۔ دوسری طرف، پاکستان نے آئی سی سی آئی ریوینیو میں اپنا حصہ بڑھانے کا مطالبہ کیا تھا۔ رپورٹس کے مطابق، ابھی آئی سی سی ریوینیومیں حصہ داری 5.75 فیصد ہے، جو تقریباً 35-34 ملین امریکی ڈالرکے برابربتایا جاتا ہے۔ آئی سی سی نے پاکستان کے اس مطالبے پربھی غورکرنے کی بات کہی ہے۔ ہندوستان اورپاکستان کے درمیان سال 2012 کے بعد کبھی دوطرفہ سیریزنہیں کھیلی گئی ہے۔ پاکستان نے دوطرفہ سیریزکو دوبارہ شرو ع کرنے کا مطالبہ کیا تھا، لیکن آئی سی سی نے اس مطالبہ کومسترد کردیا ہے۔ انٹرنیشنل کرکٹ کونسل (آئی سی سی) کا کہنا ہے کہ کسی بھی دوممالک کے درمیان سیریزکرانا، اس کے دائرہ اختیارمیں نہیں آتا ہے۔ ٹی-20 ورلڈ کپ 2026 میں ہندوستان اورپاکستان کا میچ ہائی برڈ ماڈل کے تحت نیوٹرل وینیو یعنی سری لنکا میں کھیلا جائے گا۔ دونوں ممالک کے بورڈ کے درمیان چمپئنزٹرافی 2025 کے وقت ہائی برڈ ماڈل پررضامندی بندی تھی۔ اس کے بع ہندوستان-پاکستان میچ نیوٹرل وینیوپرکھیلے جاتے رہے ہیں۔ وہیں آئی سی سی نے ہندوستان بنام پاکستان بنام بنگلہ دیش ٹرائی سیریزشروع کرنے کی تجویزکومسترد کرنے کی بھی یہی وجہ بتائی ہے۔ آپ کوبتادیں کہ گزشتہ سال ہندوستانی کرکٹ ٹیم کو وائٹ بال (سفید گیند) سیریزکے لئے بنگلہ دیش کا دورہ کرنا تھا، جسے کشیدہ ماحول کی وجہ سے 2026 کے لئے ملتوی کردیا گیا تھا۔ ٹیم انڈیا کے اس دورے پربھی بحران کے بادل منڈلانے رہے ہیں۔ یہ ایک ہی دن میں پاکستان کے لئے دوسرا جھٹکا ہے کیونکہ آئی سی سی اس کے مطالبات کومسترد کرچکا ہے۔

Source: social media