International

خلیجی ملک میں‌ جشن میلاد النبی ﷺ پر 3 چھٹیوں کا اعلان ہو گیا

14/08/26

آج نبی آخر الزماں ﷺ کی ولادت کا مبارک مہینہ شروع ہو رہا ہے جشن میلاد النبی ﷺ پر تین چھٹیوں کا اعلان کر دیا گیا ہے۔

نبی آخر الزماں ﷺ کا جشن ولادت پوری دنیا میں بالخصوص اسلامی ممالک میں جوش وخروش سے منایا جاتا ہے۔ اس مبارک دن کے موقع پر اسلامی ممالک میں عام تعطیل ہوتی ہے۔ ایک اسلامی ملک نے تین روزہ تعطیلات کا اعلان کر دیا ہے۔

کابینہ نے کہا کہ جن اداروں کو مختلف کام کے انتظامات کی ضرورت ہوتی ہے وہ عوامی مفادات کو مدنظر رکھتے ہوئے متعلقہ حکام کے ذریعے اپنے شیڈول کا تعین کر سکتے ہیں۔

دبئی کے سرکاری انسانی وسائل کے محکمے نے 28 اگست بروز جمعہ کو جشن میلاد النبی ﷺ کے سلسلے میں میں سرکاری محکموں، حکام اور اداروں کے لیے سرکاری تعطیل کا اعلان کیا ہے۔

اس کے بعد ہفتہ اور اتوار کو معمول کی تعطیلات ہوں گی، اس طرح سرکاری ملازمین کو تین ایک ساتھ چھٹیاں ملیں گی۔

تاہم شفٹوں میں کام کرنے والے یا عوامی خدمات پر مامور اداروں کے ملازمین کو ان کے متعلقہ سرکاری ادارے آپریشنل ضرورت کے مطابق چھٹی دیں گے۔

واضح رہے کہ اس سے قبل کویت کی حکومت نے بھی جشن میلاد النبی ﷺ کے موقع پر تین چھٹیوں کا اعلان کیا ہے۔

Source: Admin